Jóhannes Loftsson skrifar:

Það verður ekki annað sagt en að mögnuð saga Jóns Ármanns Steinssonar bókaútgefanda í „Reykjavík Síðdegis”  fyrir skemmstu hafi vakið mikla athygli.  Hann greindist með fjórða stigs krabbamein sem hafði dreift sér í hrygginn og læknaði sig sjálfur af án hefðbundinna “rándýrra” lyfjameðferða. 

Þetta átti ekki að geta gerst…samkvæmt öllu því sem fólk hefur heyrt.

Í stað hinnar rándýru krabbameinslyfjameðferðar tók hann aðeins ormalyf (ivermectin og mebendazole) og önnur ódýr lyf, og lækningin varð undraverð.  Hann fór að sjá árangur strax eftir tvo mánuði.  Þetta átti ekki að geta gerst.  

Með þessu sparaði hann heilbrigðiskerfinu margar margar milljónir í lyfjakostnað. En þessi lyf eru samt ekki aðgengileg almenningi á Íslandi og yfirvöld eru m.a. enn í stríði við ivermectin, þar sem það læknaði líka covid og hefði því gert sölu covid-bóluefnanna óheimila.  Fyrir vikið þurfti Jón að ferðast til Indlands til að fá ivermectin sem er selt hér á landi á allt að 300-földu verði.

Lyfjaframleiðendur eru eðlilega í sjokki og og strax daginn eftir var talsmaður þeirra, formaður Lyfjafræðingafélags Íslands, Sigurbjörg Sæunn Guðmundsdóttir, mætt í næsta þátt Reykjavík Síðdegis í “damage control”.

Nú má svo sem vera að þessi manneskja sé bara hellisbúi sem viti ekki betur en það sem hún heyrir í eigin bergmálshelli, en líklegra verður þó að telja að blekkingarnar sem hún kom með hafi verið af fullum ásetningi.

Blekking 1

Hún byrjaði með léttum strámannarökleysu með að ljúga því að Jón Ármann hefði haldið því fram að Ivermectin væri bannað hér á landi. Hann gerði það þó ekki heldur vísaði bara í að iveremectin væri selt á slíku okurverði hér á landi að hann hefði þurft að ferðast til Indlands til að kaupa það.

Blekking 2-3

Þessi “sérfræðingur” fór strax í að líkja ivermectin við að drekka blásýru, sem lækningu við covid og laug síðan með að segja: i “„Það eru ekki til samanburðarrannsóknir sem sýna fram á að ivermectin gagnist við Covid. “ … hið  rétta er þó að hundruðir slíkra rannsókna eru til.  Hér eru nokkrar:  ( hér ,  hér og hér).   Hér má svo finna magnað viðtal við vini mína Halldór Fannar og Kalla Snæ, þar sem þeir ræða magnaðan bata Halldórs af covid eftir að hafa smyglað ivermectin kremi með sér þegar hann var lagður inn á sjúkrahús með covid.  Læknir sem meðhöndlaði hann sagðist aldrei hafa séð jafn hraðan bata.

Blekking 4

Magnaðan bata Jón Ármanns, líkti hún síðan við “upplýsingaóreiðu” án þess að gefa neina skýringu á hvaðan lækning hans hafi þá komið.  (en hann tók engin önnur lyf).  Hún taldi hann læstan inni í bergmálshelli.  Ætli bergmálið hafi þá læknað hann?

Blekking 5

Í umfjöllun um aukaverkanir sagði þessi “sérfræðingur” síðan:

„Það er eins og með öll önnur lyf; það er ekkert lyf fullkomið. Það er talið frekar öruggt. Hvað slæmar aukaverkanir varðar þá vitum við til dæmis ekki hvað viðkomandi er að taka annað. Heilt yfir þegar verið er að skoða lyfjameðferð er skoðuð áhætta versus ávinningur.“ 

Hún líkir sem sagt ivermectin, sem er eitt skaðminnsta lyf á markaði við krabbameinslyf hvað aukaverkanir varðar!  Þetta er geggjun.  Krabbameinslyf eru almennt séð einhver skaðlegustu lyf sem notuð eru, á meðan aukaverkanir ivermektin sem var búið að gefa 4 milljarða skammta af fyrir covid var nánast án aukaverkana.  Það er varla hægt að finna öruggura lyf.

… eins verður að teljast kaldhæðni að heyra [sérvaldar] áhyggjur þessa “sérfræðings” á ivermectin.  Hvar voru þessar áhyggjur “sérfræðingsins” t.d. Í covid þegar genameðferðarlyfi með óþekkta langtímavirkni var sprautað í meginþorra þjóðarinnar.

Blekking 6

Síðan sagði hún… „Ég fann ekki rannsóknir í fólki sem sýna fram á gagnsemi Ivermectins við krabbameini,“   … þetta er þó ekki rétt.  Hér er dæmi um eina slíka rannsókn á fólki á virkni ivermectin og mebendazole, sem formaður lyfjafræðingafélagsins heldur að sé ekki til. Árangurinn í þessari rannsókn var 84,4% jákvæð virkni sem virðist nokkuð magnað.  En til viðbótar við þetta eru til hundruðir annarra almennra rannsókna á krabbameinsvirkni ivermectin.

Þessi samantekt að blekkingum formannsins er á engan hátt tæmandi, en gefur góða innsýn í hvernig almenningur er kerfisbundinn blekktur af “sérfræðingum” sem oftar en ekki hafa mikla fjárhagslega hagsmuni af því að viðhalda blekkingunni.  

Á sama hátt og enginn mátti að spyrja gagnrýnna spurninga og varð að hlýða Víði í kófinu, þá eiga krabbameinssjúklingar nú líka að hlýða Víði meira að segja þótt líf þeirra liggi við.  Annars gæti hagnaður lyfjageirans hrunið.