Félagsmenn Flugvirkjafélags Íslands FVFÍ sem starfa hjá Icelandair kjósa um boðun vinnustöðvunar í dag. Þetta kemur fram í pósti sem sendur var á félagsmenn í morgun.
Viðræður FVFÍ, Samtaka atvinnulífsins og Icelandair um nýjan kjarasamning hafa staðið yfir síðan í nóvember 2025.
Flugvirkjafélg Íslands gerði könnun um miðjan júní meðal félagsmanna. Samkvæmt henni var 70 prósent flugvirkja Icelandair sem svaraði hlynntir verkfallsaðgerðum.
Samtök Atvinnulífsins og Icelandair vísuðu deilunni til ríkissáttasemjara 13. febrúar. Í pósti frá Óskari Einarssyni, formanni FFVÍ, segir að í ljósi þess að samningaviðræðurnar hafi reynst árangurslausar þrátt fyrir milligöngu ríkissáttasemjara hafi trúnaðarráð lagt til að félagsmenn starfandi hjá Icelandair kjósi um boðun vinnustöðvunar. Kosningin fer fram rafrænt. Hún opnar á hádegi í dag og lokar á hádegi á mánudag.
