Um helgina birti DV nýja skoðanakönnun um hvað Íslendingar ætla að kjósa í þjóðaratkvæðagreiðslunni 29. ágúst, niðurstaðan var að af þeim sem taka afstöðu til spurningarinnar eins og gera þarf í atkvæðagreiðslunni sjálfri þá ætla 53,1% að segja já og 46,9% að segja nei.
Smelltu hér til að skoða niðurstöðurnar
Munurinn er lítill og sitt sýnist hverjum um niðurstöðurnar. Stjórnmálafræðingurinn Eiríkur Bergmann Einarsson sagði þetta „mjög tæpt“.
Þegar rýnt er í niðurbrot könnunarinnar eftir aldri, stjórnmálaskoðunum, búsetu og fleira teiknast upp ákveðin mynd af þeim sem ætla að kjósa já og þeim sem ætla að kjósa nei. Ef við tökum saman alla þá hópa getum við, með aðstoð gervigreindarinnar, fengið að sjá hinn dæmigerða kjósanda. Hafa skal í huga að þetta byggir ekki á neinum vísindum og er einungis til gamans gert.
Örlítið fleiri konur en karlar ætla að segja nei. Íbúar Reykjavíkur ætla frekar að segja já en aðrir, þeir sem ætla að segja nei eru hlutfallslega flestir á Austurlandi. Þá eru þeir sem myndu kjósa Viðreisn líklegastir til að segja já en þeir sem myndu kjósa Miðflokksins ólíklegastir. Þegar litið er til menntunar þá ætla 50,4%þeirra sem hafa lokið grunnskólaprófi að segja nei samanborið við 49,6% sem ætla að segja já. 52,5% þeirra sem hafa lokið framhaldsskóla eða iðnmenntun ætla að segja nei á móti 47,5% þeirra sem ætla að segja já. 60,6 prósent fólks með háskólapróf ætlar að segja já samanborið við 39,4% þeirra sem ætla að segja nei.
Já-maðurinn
Karlmaður, býr í Reykjavík, á aldrinum 40 til 49 ára, er með á bilinu 1.400 þúsund krónur til 2 milljónir í laun á mánuði, er með háskólapróf og myndi kjósa Viðreisn.
Nei-konan
Kona, býr á Austurlandi, er eldri en 70 ára, er með undir 550 þúsund krónur í mánaðarlaun, er með stúdentspróf eða iðnmenntun og myndi kjósa Miðflokkinn.
Vonum við að þau verði áfram vinir sama hvernig kosningarnar fara.
