Braut kynferðislega gegn unglingsstúlku á bráðamóttöku Landspítalans - DV

Maður hefur verið sakfelldur í Héraðsdómi Reykjavíkur fyrir kynferðisbrot gegn unglingsstúlku á bráðamóttöku Landspítalans.

Brotið var framið sumarið 2024.

Maðurinn var ákærður fyrir kynferðislega áreitni og brot gegn barnaverndarlögum með því að hafa , kysst stúlkuna á munninn og stungið fingrum upp í munn hennar þar sem hún lá með skerta meðvitund í sjúkrarúmi á gangi bráðamóttökunnar.

Maðurinn neitaði sök og krafðist sýknu.

Stúlkan hafði verið flutt á bráðamóttökuna með skerta meðvitund vegna áfengisneyslu. Maðurinn hafði sömuleiðis verið fluttur þangað en það kemur ekki fram hvers vegna. Lögregla var kölluð til þegar hjúkrunarfræðingur sá manninn kyssa stúlkuna á munninn en hún lá þá á bekk á gangi bráðamóttökunnar.

Lögreglumenn sem komu á vettvang sögðu manninn hafa augljóslega verið ölvaðan. Sagðist hann hafa aðeins hafa verið að aðstoða stúlkuna.

Stúlkan mundi ekkert eftir atburðarásinni og mundi ekki eftir sér fyrr en hún vaknaði heima hjá fósturmóður sinni morguninn eftir.

Öryggisvörður sá manninn stinga fingrum sínum upp í munn stúlkunnar en sjúkraflutningamaður hafði bent honum á að maðurinn væri að atast í stúlkunni. Fjarlægði öryggisvörðurinn manninn frá stúlkunni og fór með hann inn í herbergi þar sem hann var á meðan beðið var eftir lögreglu. Vaktstjóri á bráðamóttökunni sagðist hafa kallað til lögreglu og látið vakta manninn.

Maðurinn andmælti framburði fjölda starfsmanna bráðamóttökunnar um að stúlkan hefði verið nánast meðvitundarlaus, þvert á móti hefði það komist skýrt til skila að hún hefði beðið um vatn. Neitaði maðurinn að hafa kysst hana á munninn og stungið fingrum upp í munn hennar en sagðist hafa kysst hönd hennar og enni til að róa hana.

Fengu ekki myndbönd

Greint er frá því í dómi héraðsdóms að lögreglan hafi ítrekað beðið Landspítalanna um upptökur úr öryggismyndavélum frá þeim tíma er atvikið átti sér stað. Lofað hafi verið að koma þeim til skila en það hafi misfarist og um þremur mánuðum eftir atvikið hafi verið upplýst að myndskeiðum frá því kvöldi sem atvikið hefði átt sér stað hefði verið eytt.

Fyrir dómi sagði stúlkan að fósturmóðir hennar hefði greint henni frá því sem gerst hefði. Sagði stúlkan að henni hefði liðið ömurlega, fundist allt fara niður á við og átt mjög erfitt með að vera ein. Hún greindi frá því að hún hefði leitað upplýsinga um manninn á netinu og því þekkt hann í sjón er hún hefði séð hann eitt sinn. Hefði hún þá fengið kvíðakast og lamast af ótta við að sjá hann.

Kona sem starfaði sem sjúkraliði á bráðamóttökunni og kom að umönnun stúlkunnar sagði fyrir dómi að ástand hennar hefði verið með þeim hætti að hún hefði hvorki vitað hvað væri að gerast né hvað sagt væri við hana. Hefði hún ekki getað gefið samþykki fyrir neinu. Maðurinn hefði verið ölvaður og viðhaft perralegt tal við kvenkyns starfsfólk bráðamóttökunnar.

Sekur

Í niðurstöðu Héraðsdóms Reykjavíkur segir að af framburði  vitna sem voru við störf á bráðamóttökunni þetta kvöld megi ráða að maðurinn hafi veitt stúlkunni athygli og gert sér far um að vera í kringum hana þar sem hún lá með skerta rænu á bekk á gangi bráðamóttökunnar. 

Er í dómnum farið ítarlega yfir framburð vitnanna. Segir að þegar framburður þeirra og mannsins sé metinn heildstætt sé ljóst að afskipti mannsins af stúlkunni hafi verið mjög óviðeigandi og óeðlileg. Verði að teljast ótrúverðug sú skýring mannsins að hann, sem hafi verið stúlkunni algjörlega ókunnugur, hafi verið að aðstoða hana umrætt sinn og róa hana.

Sú fullyrðing mannsins, í ljósi framburðar vitnanna, um að hann hafi farið sjálfviljugur frá stúlkunni sé heldur ekki trúverðug.

Telur dómurinn framburð öryggisvarðarins sem sá manninn stinga fingrum upp í munn stúlkunnar, framburð hjúkrunarfræðingsins um að hann hafi kysst stúlkuna á munninn og þau viðbrögð sem gripið var til á bráðamóttökunni sýna fram á sekt mannsins.

Við ákvörðun refsingar var litið til þess að maðurinn hafði áður gerst sekur um umferðarlagabrot og þess að: