Bresk stjórnvöld ætla að halda áfram auka notkun andlitsgreiningar um allt land eftir að dómstóll úrskurðaði í kærumáli þar sem því var haldið fram að slíkt bryti gegn persónuverndarlögum.
Málið var höfðað eftir að mikill fjöldi lýsti yfir áhyggjum af að slíkt bryti persónuverndarlög en dómarar töldu hins vegar að notkun lögreglu á tækninni væri lögmæt og að ekki hefði verið sýnt fram á brot á mannréttindum við notkun hennar.
Hundruð handtaka með tækninni
Lögreglan í London segir að andlitsgreining hafi leitt til handtöku rúmlega 800 glæpamanna á síðasta ári. Aðeins örfá tilvik hafi komið upp þar sem fólk var ranglega auðkennt og enginn verið handtekinn vegna þessa.
Tæknin virkar þannig að eftirlitsmyndavélar greina alla sem ganga framhjá myndavélum á almannafæri og bera andlit þeirra saman við gagnagrunn í rauntíma. Ef eftirlýstur aðili lætur sjá sig ber tæknin kennsli á kauða og gerir lögreglu umsvifalaust viðvart.
„Löghlýðnir hafa ekkert að óttast“
Ráðherra lögreglumála segir tæknina einungis notaða til að finna einstaklinga sem eru eftirlýstir eða á sérstökum listum yfir hættulega einstaklinga og segir löghlýðna borgara ekkert þurfa að óttast.
Gagnrýnendur segja tæknina ganga of langt og líkja henni við dytópískt eftirlit með almenningi.
Einnig hafa komið fram áhyggjur af skekkju í greiningu vegna kynþáttar, en lögregla segir það hafa verið lagað.
Tæknin er þegar notuð í nokkrum borgum og bresk stjórnvöld hyggja nú koma henni upp sem víðast.
