Magdalena Andersson, leiðtogi sænskra jafnaðarmanna, sagði í dag að sér hefði ekki tekist að mynda ríkisstjórn með hinum þremur flokkunum í vinstribandalaginu eftir þingkosningarnar 13. september.

„Á grundvelli þeirra viðræðna sem ég hef átt get ég í heildina tekið dregið þá ályktun að eins og staðan er núna sé mér ekki unnt að mynda ríkisstjórn,“ sagði hún við fréttamenn.

Búist er við að þingforseti feli öðrum flokksleiðtoga að reyna stjórnarmyndun, líklega Ulf Kristersson, fráfarandi forsætisráðherra, sem nú fer fyrir starfsstjórn.

Hægri flokkarnir undir forystu Kristerssons, þar á meðal Svíþjóðardemókratarnir sem eru lengst til hægri, töpuðu kosningunum naumlega. Vinstribandalagið hlaut 176 þingsæti gegn 173 sætum hægri flokkanna og verður Kristersson erfitt að tryggja sér meirihluta á þingi.

Eftir ósigurinn sagðist hann reiðubúinn að kanna leiðir til að mynda meirihluta með þeim sem væru ekki sósíalistar.

Talið er að hann vilji fá Miðflokkinn til liðs við sig. Flokkurinn tilheyrir nú vinstribandalaginu …