Skylt verður að nota einsleitar umbúðir á tóbaksvörum, samkvæmt drögum að frumvarpi sem heilbrigðisráðherra hefur lagt fram. Þá eru ákvæði í drögunum um hámarksmagn nikótíns.
Slíkar umbúðir hafa verið skylda í Noregi frá 2018 og hafa allar tóbaksumbúðir síðan þá verið brúnar. Rannsóknir sýna að áhrifin af breytingunni voru lítil sem engin.
Takmarka á sölu nikótínvara sem innihalda bragðefni og lagt er til að takmarka heimild til heimsendingar og netsölu innanlands.
Í frumvarpinu er lagt til að ráðherra hafi heimild til að takmarka sölu nikótínvara sem innihalda bragðefni, einkum þeirra er kunna að höfða til barna.
Lagt er til að sömu reglur gildi um notkun á sígarettum og rafrettum og lagt til að fjarsala á nikótínvörum og jurtavörum til reykinga yfir landamæri verði óheimil. Heimild til heimsendingar og netsölu innanlands verði takmörkuð og í frumvarpinu er skerpt á reglum um viðurlög.
Töluverðar hömlur verða á því hvar megi nota þessar vörur en heimilisfólk á hjúkrunar- og dvalarheimilum og sjúklingar á sjúkrahúsum fær nokkurt svigrúm. Þá verður skylt að nota einsleitar umbúðir á tóbaksvörum og ákvæði eru í drögunum um hámarksmagn nikótíns.
