Donald Trump Banda­ríkja­for­seti und­ir­rit­aði í dag til­skipun um að spor­öskj­for­seta­skrif­stofan í Hvíta hús­inu skyldi verða þjóð­ar­minn­is­varði. Hann leggur þannig enn meiri áherslu á að fegra Hvíta húsið þrátt fyrir stóran ósigur Repúblikana­flokks hans í þing­kosn­ing­unum.

Gagn­rýnendur sök­uðu Trump um að hafa fyrir þing­kosn­ing­arnar á þriðju­dag hunsað áhyggjur kjós­enda af stríð­inu í Íran og fram­færslu­kostn­aði, en ein­blínt þess í stað á fjöl­margar fram­kvæmdir og end­ur­bætur í höf­uð­borg­inni.

Í gær, dag­inn eftir að Demókratar náðu meiri­hluta í full­trúa­deild­inni og öld­unga­deild­inni, lét Trump kosn­inga­úr­slitin nær alveg liggja milli hluta. Þess í stað sýndi hann fram­kvæmdir við nýjan dans­sal sinn í Hvíta hús­inu.

Að þessu sinni beind­ist athygli Trump að for­seta­skrif­stof­unni, sem hann hefur skreytt með gyll­ingu frá því að hann tók aftur við völdum í fyrra, og fund­ar­sal rík­is­stjórn­ar­innar við hlið hennar.

Hann sagði að yfir­lýs­ingin myndi „gera öllum ómögu­legt að eyði­leggja þennan ótrú­lega stað nokkurn tíma“ og koma …