Donald Trump Banda­ríkja­for­seti valdi Speg­illaug­ina í Washington (Reflecting Pool) sem bak­grunn fyrir síð­ustu til­raun sína til að fylkja repúblikönum til liðs við sig fyrir þing­kosn­ing­arnar á morgun, þriðju­dag. Mis­heppn­aðar end­ur­bætur á þessu þekkta kenni­leiti hafa orðið að tákn­mynd fyrir óreið­una sem ein­kennt hefur annað kjör­tíma­bil hins átt­ræða for­seta. Skoð­ana­kann­anir benda til sig­urs demókrata í kosn­ing­unum.

„Þetta er síð­asti dag­ur­inn fyrir þing­kosn­ing­arnar, þær mik­il­væg­ustu sem ég tel að við höfum upp­lifað á okkar ævi,“ sagði Trump þegar 26 mín­útur voru liðnar af langri og sund­ur­lausri ræðu hans. Þar fjall­aði hann einkum um áform sín um að end­ur­bæta minn­is­varða í höf­uð­borg Banda­ríkj­anna, fremur en verð­bólgu, stríðið við Íran og önnur mál sem skipta kjós­endur máli.

Skoð­ana­kann­anir benda til þess að demókratar séu í góðri stöðu til að ná meiri­hluta í full­trúa­deild Banda­ríkja­þings og eigi jafn­framt mögu­leika á að ná meiri­hluta í öld­unga­deild­inni. Slík breyt­ing myndi í fyrsta sinn setja Trump …