Þriðji maðurinn var í gær úrskurðaður í gæsluvarðhald vegna rannsóknar lögreglu á andláti manns í Kópavogi. Gæsluvarðhaldsúrskurðurinn gildir til 14. ágúst í tengslum við málið.

Í tilkynningu lögreglu vegna úrskurðarins er sérstaklega tekið fram að viðkomandi sé erlendur ríkisborgari.

Fyrr um daginn höfðu tveir menn, annar íslenskur, hinn erlendur ríkisborgari, verið úrskurðaðir í gæsluvarðhald grunaðir um að hafa ráðist á mann í Kópavogi á fimmtugsaldri. Annar maðurinn var úrskurðaður í varðhald til 21. ágúst en hinn til 17. ágúst.

Sá lést af sárum sínum eftir árásina.