Það er fátt sem fangar sumarið betur en fallegt glas fullt af klaka, ávaxtakeim og svalandi sætleika. Þegar sólin hækkar á lofti og stemningin verður léttari leita margir í svalandi drykki sem fanga sumarupplifunina í einu glasi. Það er því engin tilviljun að óáfengir kokteilar njóti nú meiri vinsælda en nokkru sinni fyrr, enda sameina þeir allt það sem fólk sækist eftir á þessum árstíma: ferskleika, fallegt útlit, skemmtilegt bragð og létta, meðvitaða neyslu.
Óáfengir kokteilar, oft kallaðir mocktails, hafa á undanförnum árum þróast úr því að vera einfaldur valkostur yfir í að verða sjálfstæður og spennandi heimur í drykkjamenningunni. Þar fá ávextir, safar, síróp, jurtir og önnur bragðrík hráefni að njóta sín til fulls og skapa drykki sem eru bæði litríkir og fallegir. Þeir höfða til þeirra sem vilja njóta sumarstemningarinnar án áfengis, hvort sem ástæðan er heilsa, vellíðan eða einfaldlega löngun í eitthvað ferskt og gott.
Við hvetjum áhugasama til að skoða fjölbreytt úrval óáfengra kokteila á veitingahúsum landsins og mælum með svölum sumardraum fyrir alla sem vilja prófa sig áfram á barnum.
Svalur sumardraumur við ströndina
Svalur sumardraumur
- 4 cl appelsínusafi
- 4 cl eplasafi
- 4 cl lime-safi
- 3,5 cl grenadínsíróp
- 2 cl rjómi
- 2 cl kókossíróp
- Sprite til að fylla upp í glasið
- fersk appelsínusneið, jarðarber og mynta má nota fyrir skraut
Aðferð
- Setjið appelsínusafa, eplasafa, lime-safa, grenadínsíróp, rjóma og kókossíróp í hristara með ís.
- Hristið mjög vel þar til blandan er orðin vel kæld og silkimjúk.
- Hellið í stórt kokteilglas og fyllið upp með Sprite.
- Skreytið með ferskri appelsínusneið, jarðarberjum eða myntu og berið fram ískalt.
