Halla Tómasdóttir forseti Íslands talaði um mikilvægi samvinnu og samtals á tímum óvissu í alþjóðamálum í hátíðarræðu á Austurvelli í morgun.
Hún talaði um Ísland sem heimahöfn Íslendinga.
„Hún er staðurinn sem við leggjum upp frá til að kanna ókunna stigu. Hún er staðurinn sem tekur á móti okkur með opnum örmum, hvernig sem við erum. Kannski er eitt mikilvægasta verkefni hverrar manneskju – og hverrar þjóðar – að styrkja sína heimahöfn.“
Framundan bíði ákvarðanir um framtíð þjóðarinnar og forseti hvatti fólk til að hlusta á ólík sjónarmið og leita sameiginlegra lausna. Fólk geti verið ósammála án þess að verða óvinir.
„Sjálfstæði þjóðar [...] er lifandi verkefni sem við berum sameiginlega ábyrgð á.“
