Samkaup hafa samið um kaup á Fjarð­ar­kaupum í Hafn­ar­firði, sem hafa verið rekin sem sjálf­stæð mat­vöru­verslun um ára­tuga skeið. Kaupin marka því tíma­mót í sögu versl­un­ar­innar, en þau eru háð sam­þykki Sam­keppn­is­eft­ir­lits­ins.

Kaup­verðið liggur ekki fyrir.

Þetta kemur fram í til­kynn­ingu fast­eigna­fé­lags­ins Kalda­lóns til Kaup­hall­ar­innar í morgun. Þar er greint frá því að Kaldalón hafi und­ir­ritað samn­ing um kaup á öllu hlutafé í félag­inu 1717 ehf., sem á fast­eign­ina að Hóls­hrauni 1 í Hafn­ar­firði, þar sem Fjarð­ar­kaup hafa verið til húsa.

Samhliða fast­eigna­við­skipt­unum hefur 1717 ehf. gert lang­tíma­leigu­samn­ing við Samkaup, sem eru dótt­ur­fé­lag Dranga hf., um alla fast­eign­ina. Samkaup munu taka við rekstri í hús­næð­inu sam­hliða kaupum sínum á Fjarð­ar­kaupum.

Heild­ar­virði fast­eigna­fé­lags­ins 1717 ehf. í við­skipt­unum er tæpir 2,4 millj­arðar króna. Að teknu til­liti til frá­dráttar vegna tekju­skatts­skuld­bind­ingar er virði fast­eign­ar­innar sjálfrar metið á um 2,16 millj­arða króna.

Kaldalón hefur skuld­bundið sig til að …