Spænska björgunarsveitin á sjó, Salvamento Marítimo, kom auga á bátinn um 65 sjómílur suðvestur af strandbænum Arguineguín á Kanarí, einni af Kanaríeyjunum, í gær. Um borð fundust fimm látnir og 44 eftirlifendur.
Eins og fyrr sagði er talið að báturinn hafi lagt af stað frá Gambíu í byrjun ágústmánaðar með 127 manns um borð. Þrír hafi verið fluttir til aðhlynningar í lífshættulegu ástandi.
Samkvæmt mannréttindasamtökunum Caminando Fronteras létust 83 við för bátsins yfir Atlantshafið.
Sjá einnig: Stjórnvöld sögð hylma yfir hvarf hundraða á Miðjarðarhafi
Fernando Clavijo, forseti Kanaríeyja, sagði í færslu á X:
„Það er ólíðandi að mannslífum sé áfram tapað. Kanaríeyjar mega hvorki venjast því né líta á það sem eðlilegan hlut að Atlantshafið sé áfram dauðaleið.“
Es insoportable que sigan perdiéndose vidas. #Canarias no puede acostumbrarse ni normalizar que el Atlántico siga siendo una ruta de muerte.
— Fernando Clavijo (@FClavijoBatlle) September 3, 2026
Lo que estamos viviendo en #Canarias y estos días también en #Ceuta vuelve a evidenciar una realidad: España necesita una política… https://t.co/3fSaByIhH7
„Það sem við erum að upplifa á Kanaríeyjum og þessa dagana einnig í Ceuta afhjúpar enn og aftur veruleikann: Spánn þarf á ríkisstefnu í málefnum innflytjenda að halda og Evrópa verður að axla sína ábyrgð,“ skrifar hann.
Sjá einnig: Tæplega 50 þúsund manns synt til Ceuta á einum sólarhring
Leiðin yfir Atlantshafið frá Vestur-Afríku til Kanaríeyja er ein hættulegasta fólksflutningaleið heims. Þúsundir flótta- og farandfólks reyna við ferð á ári hverju í leit að því að komast á spænskt yfirráðasvæði.
