Kristján Kristjánsson útvarpsmaður hefur kvatt umræðuþáttinn Sprengisand á Bylgjunni eftir tæplega tíu ár við stjórn hans.
Kristján tilkynnti þetta í lok þáttarins sem sendur var út í morgun.
Í samtali við fréttastofu segir Kristján ekki tímabært að tjá sig um hvað taki við hjá honum. „Það verður að vera svolítið leyndarmál.“
Kolbeinn Tumi Daðason, ritstjóri fréttastofu Sýnar, hefur umsjón með Sprengisandi í næstu viku en Páll Magnússon, fyrrverandi þingmaður og útvarpsstjóri, tekur við stjórn Sprengisands og stýrir sínum fyrsta þætti sunnudaginn 30. ágúst.
