Landsréttur kvað upp dóm sinn þess efnis klukkan 15 en hann hefur ekki verið birtur og því liggja forsendur hans ekki fyrir að svo stöddu.
Ummælin sem um ræðir lét konan, hin 51 árs gamla Pálína Helga Þórarinsdóttir, falla í athugasemd á Facebook, sem var svar við ummælum manns sem sagði „Áfram gakk Ingó minn.“
„Þá í að halda áfram að nauðga og beita ungar konur ofbeldi?“ spurði Pálína Helga. Niðurstaða Héraðsdóms Reykjavíkur í málinu var að sýkna hana af öllum kröfum Ingólfs á þeim grundvelli að ummælin rúmuðust innan tjáningarfrelsis hennar og hefðu ekki farið í bága við ærumeiðingaákvæði almennra hegningarlaga.
Dómur héraðsdóms er ítarlega reifaður í fréttinni hér að neðan:
Ingólfur hefur áður unnið meiðyrðamál af svipuðum toga þegar hann lagði Sindra Þór Sigríðarson Hilmarsson í Landsrétti, eftir að Héraðsdómur Reykjavíkur hafði sýknað Sindra Þór.
Að mati Landsréttar mátti Sindri Þór ekki viðhafa ummæli á borð við „Skemmtikraftur sem hefur stundað það síðastliðin 12-13 ár að ríða börnum.“
Ummæli Sindra Þórs voru dæmd dauð og ómerk. Sindri Þór var dæmdur til að greiða Ingólfi 900 þúsund krónur í miskabætur auk vaxta. Þá var hann dæmdur til að greiða Ingólfi málskostnað.
Þá var þriðja meiðyrðamáli Ingólfs lokið með dómsátt og afsökunarbeiðni Silju Bjarkar Björnsdóttur.
