Þetta kemur fram í dagbók lögreglu. Alls voru sex vistaðir í fangageymslu klukkan fimm síðdegis.
Brotist var inn í fyrirtæki í Hlíðunum í Reykjavík og þaðan stolið ökutæki. Lögreglan stöðvaði ökutækið nokkru síðar og voru þrír handteknir af lögreglu. Einnig var brotist inn á vinnusvæði í hverfi 108 í Reykjavík.
Lögreglu barst tilkynning um umferðaróhapp í Grafarvogi. Ökumaðurinn var handtekinn á vettvangi og vistaður í fangaklefa. Einnig var annar ökumaður stöðvaður í Breiðholti. Sá reyndist vera sviptur ökuréttindum og aka undir áhrifum fíkniefna.
