Hagsmuna árekstrar Kristrúnar, eiginmanns og Hjálmars í Eistlandi, Litháen og ESB
Hallur Hallsson skrifar:
Hagsmunatengsl Kristrúnar Frostadótttir og eiginmanns Einars Bergs Ingvarssonar vekja spurningar svo og tengsl Hjálmars Vilhjálmssonar við já til að sjá og starfa í Eistlandi. Einar Bergur er stjórnarmaður eistneska útgerðarfélagsins Reyktal AS frá 2021, fulltrúi eistneskra fyrirtækja í ráðgjafanefnd framkvæmdastjórnar ESB um fiskveiðar og fiskeldi;Advisory Committee on Fisheries and Aquaculture, þar sem hann gætir hagsmuna útgerða á evrópskum vettvangi. Hjálmar Vilhjálmsson var forstjóri Reyktal AS í nærfellt aldarfjórðung, samverkamaður Guðmundar Kristjánssonar í Brim, stærsta útgerðarfyrirtækis landsins. Hjálmar Vilhjálmsson rak Reyktal í Eistlandi frá 1998 til 2023 um tíma talsmaður eistneskra útgerðarmanna gagnvart Evrópusambandinu. Hjálmar var helsti talsmaður Já til að Sjá.
Reyktal í Íslenskri eigu
Reyktal AS er í eigu íslenskra félaga. Hluthafarnir eru: Dögun 33,33%; Skiki 33,33% og Rækjuver 33,33%. Reyktal AS stundar úthafsveiðar í Norður-Atlantshafi. Fimm frystitogarar veiða um 17 þúsund tonn af rækju og þúsund tonn af þorski í Barentshafi og velta samanlagt um 60 milljónum evra á ári, átta og hálfum milljarði íslenskra króna. Einar varð stjórnarmaður Reyktal 8. nóvember 2021 og er þar enn. Hann er jafnframt framkvæmdastjóri UAB Marlinas í Litháen, sjávarútvegsfyrirtækis sem velti rúmlega 40 milljónum evra árið 2025, situr í stjórn Reval Seafood, sem Reyktal á 50%.
Ráðleggur Brussel um fiskveiðar
Einar Bergur Ingvarsson er skráður fulltrúi Estonian LDAC sem er formlegur ráðgjafarvettvangur innan sameiginlegrar sjávarútvegsstefnu Evrópusambandsins. Ráðgjafarráðið getur sent framkvæmdastjórn ESB og aðildarríkjunum tillögur og ráðleggingar um fiskveiðistjórnun, málefni sjávarútvegs og verndun fiskistofna. LDAC ráðleggur stofnunum ESB um fiskveiðisamninga við ríki utan sambandsins og samskipti ESB við alþjóðleg fiskveiðisamtök.
Kristrún og Hjálmar saman á RÚV
Í lokaumræðum RÚV á fimmtudagskvöld voru Hjálmar Vilhjálmsson og Kristrún Frostadóttir fulltrúar JÁ til að SJÁ og hvöttu þjóðina til þess að opna aðildarviðræður. Hefur verið lagt sjálfstætt opinbert mat á mögulega hagsmunaárekstra Kristrúnar vegna starfa eiginmanns forsætisráðherra í þessum fyrirtækjum og hagsmunagæslu eistneskrar úthafsútgerðar innan ráðgjafarkerfis sjávarútvegsstefnu ESB? Átti þjóðin rétt á að vita þessi tengsl og spyrja þessara spurninga áður en hún gekk að kjörborðinu? Forsætisráðherra Íslands hvatti þjóðina til þess að hefja aðildarviðræður meðan eiginmaður hennar gengdi stjórnunarstörfum í stórum sjávarútvegsfyrirtækjum í tveimur ESB-ríkjum, Eistlandi og Litháen.
Fyrirtækin velta 14.5 milljörðum
Bloggarinn Hilmar Hafsteinsson hefur upplýst að fyrirtæki Einars Bergs í Eistlandi velti 14,5 milljörðum á ári. Samkvæmt fyrirtækjaskrá í Eistlandi eru umsvif:
- Reyktal AS: Velta samkvæmt ársreikningum nemur um 22,8 milljónum evra;. 3,4 milljörðum króna og heildareignir þess eru metnar á 64,3 milljónir evra; um 9,6 milljarða króna. Eigið fé félagsins er um 51,2 milljónir evra.
- Reval Seafood OÜ: Velta þessa tengda félags nemur um 13,5 milljónum evra; 2 milljörðum króna og heildareignir metnar á 34,8 milljónir evra.
