Hafdís Huld Björnsdóttir hefur verið ráðin bæjarstjóri í Fjallabyggð. Hún tekur við starfinu af Þóri Hákonarsyni sem hefur gegnt starfinu frá því í desember 2024.
Hafdís hefur starfað sem framkvæmdastjóri ráðgjafafyrirtækisins RATA og mun hefja störf í Fjallabyggð þann 1. september.
22 sóttu um starfið, þar á meðal Þórir, núverandi bæjarstjóri.
Á vef Fjallabyggðar segir: „Hafdís Huld er með meistaragráðu í verkefnastjórnun (MPM) og BS-próf í viðskiptafræði með áherslu á stjórnun. Hún hefur víðtæka reynslu af stefnumótun, verkefnastjórnun og breytingastjórnun.“
