Það var nokkuð afhjúpandi að hlusta á viðtal Jakobs Bjarnars blaðamanns á Visir við einn hæst launaðasta starfsmann RÚV, Gísla Martein sem stjórnar þættinum Vikan og sýnt hefur verið á ríkismiðlinum í áraraðir. 

Gísli Marteinn virðist ekki skilja hvað fellst í upplýsingaóreiðu og falsfréttum ásamt því að virðast telja ríkismiðilinn hinn eina rétta sannleik. 

Spurningin er hvort að starfsmenn RÚV séu sérþjálfaðir í heilaþvætti, eða hreinlega geri ekki greinarmun á réttu eða röngu? 

Hvað er upplýsingaóreiða? 

Á vísindavefnum má lesa skilgreininguna á upplýsingaóreiðu, þar stendur:

Hugtakið upplýsingaóreiða (e. information disorder) hefur verið áberandi undanfarin ár og þá oft í samhengi við kosningar, alþjóðastjórnmál og stríð. Algengt er að sjá dæmi um upplýsingaóreiðu þegar hagsmunir eru miklir og mál umdeild. Hugtakinu er gjarnan skipt í þrennt:

1. Misupplýsingar (e. misinformation): Röngum eða misvísandi upplýsingum er deilt án ásetnings og ekki til að valda skaða.
2. Rangupplýsingar (e. disinformation): Röngum eða misvísandi upplýsingum er deilt af ásetningi og til þess að valda skaða.

Gísli tók Covid-tímabilið sem dæmi 

Það hlýtur að þykja nokkuð kaldhæðnislegt að Gísli Marteinn hafi tekið Covid-tímabilið og fréttaflutning RÚV á því tímabili sem dæmi um mikilvægi ríkisfjölmiðils, en það virðist hafa farið fram hjá honum að margir misstu einmitt trú á ríkismiðlinum á þessu tímabili því áróðurinn var augljós og áþreifanlegur. Alger samtrygging rikti á milli ríkisstjórnar, heilbrigðisyfirvalda og RÚV.

Dansað var í sama takt og varla mátti spyrja spurninga án þess að vera útskúfaður eða sakaður um að vera „álhattur“ eða “anti-vax” andsnúin öllum bóluefnum. Áróðurinn var svo mikill að fólk var kennt um að vilja drepa ömmur sína og afa ef það vogaði sér að spyrja spurninga, allir áttu að dansa í sama takt, og áróðursmeistarar gengu meira svo langt að kalla eftir því opinberlega að óbólusettir yrðu vistaðir innan girðingar í Grímsey, og ekki gefin aðgangur að almannarýmum, RÚV tók fullan þátt í þeirri múgsefjun. 

Það vakti einnig athygli að þegar að blaðamaður Fréttarinnar sótti um aðgang að upplýsingafundum, þá mótmælti RÚV með því að mæta ekki í þann þátt. Þá var reglum einnig breytt, en blaðamaður Fréttarinnar hugðist spyrja þriggja spurninga er varða almannahag, en þá ákvað þríeykið þau Alma Möller, Víðir Reynisson og Þórólfur Guðnason að einungis væri hægt að spyrja eina spurningu og ekki mátti fylgja henni eftir. 

Klippu úr þættinum má sjá hér neðar:

Segir bóluefnaskaða vera samsæriskenningu

Það vaktu einnig athygli í viðtalinu að Gísli Marteinn heldur því enn þá fram að bóluefnaskaði vegna covid-spautuefnanna sé samsæriskenning. Annað hvort er Gísli ekki í neinum tengslum við umheiminn og kynnir sér ekki málin því tugir rannsókna hafa verið gerðar og Fréttin hefur fjallað um þær margar hér á þessum miðli. Fyrsta ritrýna rannsóknin kom svo út í júlí á síðasta ári og má lesa hér, þar sem þúsundir tóku þátt og niðurstöðurnar voru sláandi.  Fleiri ritrýndar rannsóknir má lesa hér og hér, ásamt tugum annarra frétta hér á vefnum er tengjast bóluefnaskaða eftir Covid bóluetningar.

Þá er til félag á Íslandi sem Heilsuvon, þau halda úti Facebook hópnum Heilsuvon-hagsmunasamtök fólks með C-19 sprautuskaða, þar má lesa fjöldann allan af persónulegum sögum fórnarlamba Covid-bólefnaskaða. 

RÚV hefur aldrei fjallað um bóluefnaskaða eftir Covid-19 tilraunaefnin

RÚV sem þykist sérfrótt um upplýsingaóreiðu og er ríkismiðill sem fær milljarða úr fjárlögum ríkissjóðs sem íslenskir skattborgarar eru skyldugir til að greiða fyrir hefur aldrei rætt um bólefnaskaða eftir umrædd tilraunabóluefni þrátt fyrir að í lögum um RÚV standi: 

Fjölmiðlaþjónusta í almannaþágu:

Fjölmiðlaþjónusta Ríkisútvarpsins í almannaþágu hefur það markmið að mæta lýðræðislegum, menningarlegum og samfélagslegum þörfum í íslensku samfélagi með miðlun texta, hljóðs og mynda.

Ríkisútvarpið skal sinna lýðræðislegu hlutverki sínu m.a. með því að: 

    1. Hafa í heiðri lýðræðislegar grundvallarreglur, þ.m.t. um mannréttindi og frelsi til orðs og skoðana. 

    2. Veita víðtæka, áreiðanlega, almenna og hlutlæga frétta- og fréttaskýringarþjónustu um innlend og erlend málefni líðandi stundar. 

    3. Vera vettvangur fyrir mismunandi skoðanir á málum sem efst eru á baugi hverju sinni og almenning varða. 

    4. Kynna margbreytileika mannlífs, lífsviðhorfa og lífsskilyrða í landinu.

Miðað við þessi lög sem ríkismiðlinum ber að fara eftir, þá virðast þau virt að vettugi hjá stofnuninni, því ekkert af þessu hefur verið fylgt eftir þegar kemur að umfjöllun um alvarlegar aukaverkanir eftir covid-bólusetningar en þær skipta a.m.k. þúsundum samkvæmt skráningu hjá lyfjastofnun, en þess ber að geta að ekki allir sem hafa veikst alvarlega hafa tilkynnt það.

Covid rannsóknarnefnd

Þá þykir einnig skjóta skökku við að núverandi ríkisstjórn og meirihluti alþingis hafnaði covid rannsóknarnefnd sem komið hefur verið á laggirnar í öllum þeim löndum sem við berum okkar saman við, Bretland hefur til að mynda lagt til að skaðabætur vegna Covid-bóluefnaskaða verði tvöfaldaðar. 

Það er því spurn hvort að RÚV þurfi að fara í alvarlega naflaskoðun því sjaldan hefur upplýsingaóreiða orðið eins augljós og áberandi og einmitt á Covid tímabilinu þar sem mörgum þykir ríkismiðillinn algerlega hafi brugðist hlutverki sínu og öllu fremur breyst í áróðursmaskínu sem stóð fyrir múgsefjun og jók á hjarðhegðun í samfélaginu. 

Gerir RÚV og Gísli Marteinn lítið úr þeim sem hafa skaðast eða látist eftir tilraunaefnin

Gísli Marteinn segir í viðtalinu „að samsæriskenningar grasseri í Bandaríkjunum þar sem að milljónir trúa því að bóluefnin séu eitur frá Bill Gates“ 

Skoðum þessa upplýsingaóreiðu aðeins. 

Aaron Rodgers UNLOADS on Fauci, the NFL, and the media over COVID

He says a lot of players had fake vax cards pic.twitter.com/uUdh43f0Rl

— Died Suddenly (@DiedSuddenly_) September 12, 2026

Bill Gates er einn helsti fjármagnari WHO

Það vill svo til að Bill Gates er einn helsti fjármagnari WHO - Alþjóðaheilbrigðismálastofuninnar, en sú stofnun stóð einmitt fremst í fararbroddi þegar að kom að þrýstingi og áróðri tengt umræddum sprautuefnum. 

Gates hefur því beina hagsmuni að gæta, og merkilegt að tölvugúru gerist alltíeinu sjálfskipaður „sérfræðingur“ í heilbrigðismálum, en RÚV hefur auðvitað ekkert við það að athuga.

Bill Gates hefur stutt Alþjóðaheilbrigðismálastofnunina (WHO) verulega í gegnum Bill & Melinda Gates-sjóðinn.

Helstu fjárframlög

Framlög til Gavi: Gates-sjóðurinn hefur lagt samtals 1,553 milljarða Bandaríkjadala til Gavi (e. Gavi, the Vaccine Alliance) á fimm ára tímabili, frá 2016 til 2020. Gavi vinnur náið með Alþjóðaheilbrigðismálastofnuninni (WHO) að því að efla bólusetningarstarf á heimsvísu.

Heit um frekari stuðning: Á alþjóðlegri ráðstefnu um bólusetningar (e. Global Vaccine Summit) í júní 2020 hét Gates-sjóðurinn því að veita 1,6 milljarða dala til viðbótar á næstu fimm árum til stuðnings bólusetningarstarfi, en það samræmist einnig markmiðum WHO.

Þannig að halda því fram að Gates sé hlutlaus eða að hann tengist ekki bólusetningaráætlunum WHO, sem auðveldlega má flokka sem upplýsingaóreiðu eða óheiðarlegan fréttaflutning.

Hollenskur dómstóll fyrirskipar að Bill Gates skuli svara til saka vegna ásakana er varða COVID-19-bóluefni

Gates, ásamt forstjóra Pfizer og hollenskum embættismönnum, sakaðir um að hafa vísvitandi kynnt óörugg bóluefni sem örugg og gert tilraunir til að komast hjá réttarhöldum en því var hafnað þegar réttarhöldin 27. nóvembernæstkomandi nálgast. 

Hollenskir dómstólar hafa formlega fyrirskipað Bill Gates að koma fyrir rétt vegna ásakana tengdum COVID-19 bóluefnum. Sjö stefnendur sem urðu fyrir alvarlegum skaða tengdum efnunum og halda því fram að Gates, ásamt öðrum þekktum einstaklingum, hafi vísvitandi blekkt almenning til að fá sprautur sem þeir „vissu eða hefðu átt að vita“ að væru hvorki öruggar né árangursríkar.

Í málsókninni eru einnig nefnd fyrrverandi forsætisráðherra Hollands, Mark Rutte, forstjóri Pfizer, Albert Bourla, og nokkrir lykilmenn úr hollenska COVID viðbragðsteyminu, og saka þá um aðild að blekkingunni.

Gates reyndi að komast hjá málsókninni og hélt því fram að staða hans sem bandarískur ríkisborgari ætti að vernda hann fyrir hollenskum málaferlum. Dómstóllinn úrskurðaði hins vegar annað og sagði að náin tengsl Gates við aðra sakborninga sem eru undir hollenskri lögsögu gerðu hann að ákærða í Hollandi.

Nú standa Gates og lögfræðiteymi hans frammi fyrir vaxandi þrýstingi þegar þeir búa sig undir að takast á við þessar alvarlegu ásakanir fyrir dómi, og næsta réttarhöld eru áætluð 27. nóvember. Þess má geta að RÚV hefur aldrei vakið athygli á þessum réttarhöldum sem flestir miðlar heims hafa þó gert. 

Áróður um ivermectin í þætti Gísla Marteins

Mörgum þótti nóg um þegar að Gísli Marteinn var notaður sem málpípa áróðursmaskínu, þegar kemur að kraftaverkalyfinu ivermectin, en lyfið er bæði manna og dýralyf svipað og Penicillín og hefur verið notað á menn síðan 1987 og hefur bjargað milljónum mannslífa. Lyfið er ekki bara sníkjudýralyf heldur er það fjölverkandi og virkar á hina ýmsu sjúkdóma og er einnig bakteríu og sýklaeyðandi. Í þætti Gísla voru þó gerð löng skil á lyfinu sem sannkallaðri upplýsingaóreiðu, þar sem haldið var fram af Gísla og viðmælendum að lyfið væri hestalyf, þetta er alrangt og alvarlegt að ríkismiðill fái óáreittur að halda úti slíkum áróðri eins og fyrsta flokks áróðursmaskína. 

Hér má lesa um virkni ivermektin og hvaða sjúkdóma lyfið gagnast vel, og hér má lesa um Lyfjastofnun Bandaríkjanna sem tapaði stríðinu gegn Ivermectin: fjarlægja allar aðvaranir um notkun lyfsins gegn covid

Það verður því að teljast hjákátlegt að Gísli Marteinn og RÚV telja sig boðbera sannleikans þegar svo mikið vantar upp á hann. Spurning er því hvort að þáttastjórnandinn þurfi endurmenntun er varðar upplýsingaóreiðu og falsfréttir sem hann sjálfur hefur tekið fullan þátt í að virðist án þess að blikna. 

Það hlýtur því að teljast alvarlegt þegar að RÚV hefur gerst málpípa valdaelítunnar og hagsmunaafla og virðist hafa algerlega aftengst sínu grunnhlutverki, þ.e að vera aðhald fyrir valdhafa og horfa á málin með gagnrýnum augum er nokkuð sem ríkismiðilinn virðist algerlega ófær um á undanförnum árum, að því tekið hefur verið eftir.

Hér neðar má sjá áróður Gísla Marteins í Vikunni um fjölverkandi lyfið ivermectin:

Einnig má sjá hér nýjasta viðtal Sölva Tryggvasonar við Hrafn Margeirsson sem missti unga dóttur sína eftir covid-bólusetningu DV greinir einnig frá, viðtalið í heild má sjá hér.