Fyrr í kvöld, þriðjudaginn 23. júní, virtist sem ekki væri hægt að hlaða inn og birta myndir á Instagram en breski fjölmiðillinn The Independent fjallar um það að notendur hafi ekki náð að leita að ákveðnum prófílum. Sumar skipanir innan appsins hafi virkað áfram um stund en sýndu síðan villuskilaboð.
Vandamálin hófust um klukkan níu á íslenskum tíma samkvæmt eftirlitsvefsíðunni Down Detector. Hún sýndi skyndilega aukningu í villutilkynningum á þeim tíma og tilkynnt var um vandamál um allan heim.
Messenger virðist þó virka, þrátt fyrir að vera skilaboðaforrit í sömu „samfélagsmiðlafjölskyldu“.
