Mark Carney, forsætisráðherra Kanada, hefur kallað landið „evrópskasta ríkið utan Evrópu“. Þótt formleg aðild að Evrópusambandinu kunni að reynast flókin sækist hann nú eftir nánari tengslum við sambandið en nokkru sinni áður, meðal annars til að draga úr því hversu háð Kanada er Bandaríkjunum.

Carney heldur til Strassborgar í Frakklandi í þessari viku. Þar verður hann  viðstaddur árlega ræðu Ursulu von der Leyen, forseta framkvæmdastjórnar Evrópusambandsins, um stöðu sambandsins, áður en hann ávarpar sjálfur Evrópuþingið daginn eftir.

Hann mun einnig ferðast til Liverpool, þar sem hann mun eiga sinn fyrsta fund með Andy Burnham, nýjum forsætisráðherra Bretlands.

Heimsóknin er „gríðarlega táknræn“, að sögn Tobias Cremer, þýsks Evrópuþingmanns sem fór fyrir ályktun frá því í mars þar sem kallað var eftir auknu samstarfi Evrópusambandsins og Kanada.

„Kanada býr yfir mörgum þeim auðlindum sem Evrópu skortir verulega, hvort sem það er orka, sjaldgæfir jarðmálmar eða önnur hráefni,“ sagði Cremer við AFP. …