Bókanir gengu á víxl vegna rekstrarniðurstöðu Kópavogsbæjar

Hart var tekist á um hvort rekstur Kópavogsbæjar væri sjálfbær eða ekki á fundi bæjarráðs á fimmtudag og gengu bókanir á víxl á fundinum. Meirihluti Sjálfstæðisflokks og Framsóknar lagði fram ársreikning Kópavogsbæjar fyrir síðasta ár og sagði jafnframt að árin 2024 og 2025 væru tvö bestu rekstrarár Kópavogs í 18 ár. Rekstrarniðurstaðan var jákvæð um 4,6 milljarða króna.

Minnihlutinn, sem samanstendur af Viðreisn, Samfylkingu, Pírötum og Vinum Kópavogs, bókar sérstaklega að þessi niðurstaða sé tilkomin vegna lóðasölu og segir fátt um raunverulega rekstrarniðurstöðu bæjarins.

Vinir Kópavogs og ViðreisnHelga Jónsdóttir í Vinum Kópavogs og Theodóra S. Þorsteinsdóttir, oddviti Viðreisnar eru á meðal þeirra sem bókuðu vegna málsins.

Mynd: Heiða Helgadóttir

„Rekstur Kópavogsbæjar er ekki sjálfbær án lóðasölu,“ segir í bókuninni. Því næst segir: „Fulltrúar minnihlutans í bæjarstjórn Kópavogs vekja athygli á að hefðbundinn rekstur bæjarins stendur ekki undir sér. Samkvæmt ársreikningi virðist reksturinn skila afgangi upp á 4,2 milljarða króna. …