13 særðust í flugskeyta- og drónaárásum Húta í suðurhluta Sádí-Arabíu í nótt. Hútar hafa einnig gert árásir á olíuinnviði í Sádí-Arabíu. Yfirvöld í Sádí-Arabíu hafa hótað því að svara fyrir árásirnar.
Hútar hertóku ströndina við Rauðahaf í síðustu viku og Bad al-Mandab-sund, sem er sundið fremst við Rauðahaf. Átök milli Húta og stjórnarhersins í Jemen, sem nýtur stuðnings Sádi-Araba, hafa blossað upp að nýju, en pattstaða er komin upp á milli Bandaríkjanna og Írans.
Alþjóðlega fólksflutningastofnunin sagði í gær að ríflega 94.000 manns hefðu neyðst til að flýja heimili sín vegna átakanna í Jemen.
Donald Trump Bandaríkjaforseti sagði í færslu á Truth Social að íranska þjóðin vildi ná samningi eins fljótt og hægt væri en hann ætti enn eftir að taka afstöðu um hvort Bandaríkin geri það, hann sé samt opinn fyrir samningi. Yfirmaður öryggisráðs Írans, Mohsen Rezaei, sagði í færslu á X að það yrðu engar samningaviðræður fyrr en kröfum Írans væri mætt. Meira væri ekki um það að segja.
