Skátaflokki frá Katar var verið vísað af landsmóti sem fram fór á Akureyri í lok júlí.
Morgunblaðið greindi fyrst frá.
Um 2000 skátar voru saman komnir á Akureyri, frá 10 löndum. Hluti eins hópsins, frá Katar, hafi sýnt af sér óviðeigandi hegðun við stúlkur og hafi ekki látið til segjast þegar að mótshaldarar töluðu við hópinn.
Sömuleiðis segir í frétt Morgunblaðsins að öryggisgæsla hafi verið aukin sökum áreitninnar en það ekki dugað til og þá hafi þurft að kalla til lögreglu til þess að biðja þá um að yfirgefa svæðið.
Í yfirlýsingu frá Bandalagi íslenskra skáta, sem birt er á vef Akureyri.net, segir: „Einn hópur þurfti því miður að hætta þátttöku á mótinu þar sem einstaklingar innan hópsins fylgdu ekki settum reglum. Til að tryggja velferð þeirra málið varðaði, þar á meðal þeirra ungmenna sem þurftu að yfirgefa mótið, var viðbragðsáætlun Æskulýðsvettvangsins fylgt. Í því felst m.a. að kalla til lögreglu og barnavernd og tryggja að viðeigandi fullorðnir aðilar geti tekið við umsjá þeirra ungmenna sem yfirgefa mótið og eru stödd hér á landi án forráðamanna.“
