Konurnar þrjár sem drukknuðu í Brighton allar skyldar
Konurnar þrjár sem fundust látnar í sjónum undan ströndinni í Brighton voru að sögn allar skyldar.
Lögregla telur sig hafa borið kennsl á konurnar þrjár, sem eru taldar hafa verið á aldrinum 20 til 30 ára, en segir þó að ekki sé tímabært að greina frá nöfnum þeirra opinberlega. Rannsókn stendur yfir á því hvernig þær létust og eru rannsakendur með nokkrar kenningar til skoðunar.
Einstaklingur búsettur á Jamaíka segist vera skyldur konunum. Viðkomandi sagði í samtali við Mirror
„Mamma hringdi rétt í þessu og sagði mér að konurnar þrjár sem fundust á Brighton-strönd væru frænkur mínar. Ég er algjörlega miður mín og í áfalli.“
Talið er að konurnar hafi farið út í sjóinn frá ströndinni nálægt þeim stað þar sem þær fundust, áður en þær lentu í erfiðleikum snemma aðfaranótt miðvikudags.
