Forseti Írans segir hafnarbann Bandaríkjanna dæmt til að mistakast

Masoud Pezeshkian, forseti Írans, segir að hafnarbann Bandaríkjanna á íranskar hafnir muni auka á truflanir á Persaflóa og ekki ná markmiðum sínum.

„Sérhver tilraun til að koma á hafnarbanni eða takmörkunum er andstæð alþjóðalögum ... og er dæmd til að mistakast,“ sagði Pezeshkian í yfirlýsingu.

Hann bætti við að slíkar aðgerðir myndu „ekki aðeins mistakast við að auka svæðisbundið öryggi, heldur eru þær í raun uppspretta spennu og truflun á varanlegum stöðugleika í Persaflóa“.

Bandaríkin komu á hafnarbanni á hafnir og strendur Írans þann 13. apríl, nokkrum dögum eftir að vopnahlé stöðvaði stríð þeirra við Íran.