Fjölmiðlamaðurinn Egill Helgason segir að kannanir sýni vinstri sveiflu í Reykjavík. Engu að síður telur hann líklegast að hægri meirihluti verði myndaður.
„Samkvæmt nýjustu könnun er vinstri sveifla í borginni, Vinstrið og Sósíalistar með samanlagt 18 prósent,“ segir Egill í færslu á samfélagsmiðlum og vitnar í nýja könnun Gallup. Þar mælist Vinstrið með 13 prósent og Sósíalistar með 5 prósent.
Engu að síður spáir hann meirihluta undir forystu Sjálfstæðisflokksins.
„Sjálfstæðisflokkurinn að ná vopnum sínum og er langlíklegastur til að leiða borgarstjórn og fá borgarstjórann – Hildi Björnsdóttur. Miðflokkurinn er ekki gera gott mót, hann sígur í skoðanakönnunum – og það fylgi skilar sér til Sjálfstæðisflokksins,“ segir Egill. „Kannski sjá einhverjir sem skiptu yfir í Miðflokkinn úr Sjálfstæðisflokknum þegar hann fór með himinskauptum í skoðanakönnunum eftir því?“
Segir hann að miðað við kannanir séu Framsókn, Flokkur fólksins og Píratar ekki að ná vopnum sínum og varla að ná manni inn í borgarstjórn. Samkvæmt könnuninni mælist Sjálfstæðisflokkur með 9 fullrúa, Samfylking 6, Vinstrið 3, Miðflokkur 2, Viðreisn 2 og Sósíalistar 1.
„Líklegasti meirihlutinn er ennþá Sjálfstæðisflokkur, Miðflokkurinn og Viðreisn – þótt síðartöldu flokkarnir gætu átt í erfiðleikum með að vinna saman,“ segir Egill. En eins og hefur einnig komið fram í könnunum er hvergi minna traust en á milli Viðreisnar og Miðflokks.
