Lögreglunni á höfuðborgarsvæðinu barst tilkynning um alvarlegt atvik í vesturbæ Kópavogs í hádeginu. Brugðist var hratt við og var lögreglan með mikinn viðbúnað í ljósi tilkynningarinnar.
Frá þessu segir í stuttri tilkynningu frá lögreglunni.
Þar kemur einnig fram að rannsókn málsins er á frumstigi og ekki hægt að veita frekari upplýsingar í bili.
Liggur því engan veginn fyrir um hvað málið snýst nema að það er alvarlegt og væntanlegt saknæmt.
RÚV greinir frá því að fjölmennt lið lögreglu hafi staðið í aðgerðum í Kársnesi í Kópavogi upp úr hádegi í dag. Hafi bæði almennir lögreglumenn og liðsmenn sérsveitar ríkislögreglustjóra verið að störfum. Hafi lögregla sent minnst fjóra bíla á vettvang auk þess sem sérsveitin mætti með sex menn á þremur bílum.
Ekki hafa fengist upplýsingar um hvað átti sér stað og lögregla verst enn allra frétta af atvikum málsins.
