Hátt í fjögur þúsund manns hafa undirritað undirskriftalista á Ísland.is þegar þetta er skrifað, gegn nýlega samþykktum sóttvarnalögum. Það var Alma Möller heilbrigðisráðherra sem lagði frumvarpið á Alþingi eftir margar tilraunir, og var það samþykkt í síðustu viku.
Athygli vakti að Alma Möller og meirihluti Alþingis hafnaði einnig Covid-rannsóknarnefnd sem hefur verið komið á fót í flestum nágrannaríkjum okkar og þeim löndum sem við berum okkur saman við. Þá hefur gengið brösulega fyrir fólk sem að skaðaðist alvarlega eftir covid-bólusetningar að sækja skaðabætur til sjúkratrygginga. Bretland hækkaði til að mynda slíkar bætur og krafðist meiri viðurkenninga á skaða sjúklingana.
Í inngangi undirskriftarlistans stendur:
Alþingi samþykkti ný heildstæð sóttvarnalög þann 21. apríl 2026. Lögin koma í stað eldri laga frá 1997 og eiga að taka gildi þann 1. september 2026. Heilbrigðisráðherra fær skýrar heimildir til að setja reglur um opinberar sóttvarnaráðstafanir án þess að leita þurfi samþykkis þingsins í hvert skipti. Þetta á meðal annars við um eftirfarandi, við minnsta GRUN um heilsufarsbrest:
- Ónæmisörvanir: Heimild til að fyrirskipa bólusetningar eða gjöf mótefna.
- Frelsissvipting: Heimildir til að krefjast skimana, einangrunar í sóttvarnahúsum og afkvíun ákveðinna svæða.
- Samkomufrelsi og atvinnufrelsi: Heimild til að stöðva atvinnurekstur, loka skólum og setja á samkomubann.
- Harðari viðurlög: Í nýju lögunum er kveðið á um að brot gegn reglum ráðherra um sóttvarnaúrræði geti varðað sektum eða allt að eins árs fangelsi. Þetta er strangara en í fyrri drögum þar sem rætt var um allt að þriggja mánaða fangelsi. Nýju sóttvarnalögin ganga gegn lýðræðinu, stjórnaskrá Íslands, æðstu lögin í landinu!
Búist er við að listinn verði afhentur forseta Íslands þegar að fjöldinn hefur náð 10-15% kosningabærra manna, þar sem óskað verður eftir því að forsetinn neiti að undirrita lögin, þar sem bent er á réttilega að gangi gegn stjórnarskrá landsins og standist því ekki lög um einstaklingsfrelsi sem er grundvallarþáttur lýðræðislegra samfélaga.
Hægt er að skrifa undir hér.
