„Þegar þú ert með flókin dæmi vilja kerfin illa tala saman“
Yfirlæknir og deildarstjóri á Grensásdeild segja ungt fólk mæta fjölda áskorana eftir útskrift af deildinni. Dæmi séu um að ungt fólk sé sent á elliheimili eða bíði í lengri tíma eftir þjónustu. Heilaskaðar hjá ungu fólki geta reynt á maka, fjölskyldur og nærsamfélagið en gefandi sé að sjá fólk halda aftur út í lífið eftir vel heppnaða endurhæfingu.
Kerfið er illa viðbúið málum sem snúa að ungu fólki með mænu- eða heilaskaða. Dæmi eru um að ungt fólk sé sent á elliheimili eða bíði lengi inni á heilbrigðisstofnunum þar sem sveitarfélög eru lengi að mæta þjónustuþörf þeirra eftir útskrift.
Magdalena Ásgeirsdóttir, yfirlæknir Grensásdeildar, og Guðrún Bragadóttir, deildarstjóri endurhæfingardeildar, segja að sérstaklega flókin mál lendi á vegg í kerfinu.
„Sveitarfélögin eru alltaf jafn óundirbúin ef eitthvað kemur upp á hjá fólki á vinnubærum aldri,“ segir Magdalena. „Þegar fólk er ungt eru ekki aðrar hugmyndir en að setja það á hjúkrunarheimili. En hvert annars? Sem betur fer eru ekki svo margir ungir í þessum aðstæðum en það eina sem er til í okkar samfélagi eru hjúkrunarheimilin þar sem flestir eru orðnir rígfullorðnir sem betur fer.“
Guðrún og Magdalena segja dæmi vera um að ungt fólk hafi verið hýst á hjúkrunarheimilum fyrir aldraða eftir slík áföll. „Það er svo mismunandi eftir …
