Píratar undrandi á Góðan daginn-framboðinu: „Mér finnst þetta mjög skrítið“

Alexandra Briem borgarfulltrúi, sem situr í öðru sæti á lista Pírata, var  undrandi á því hvernig framboð Góðan daginn er tilkomið. Ingimar Þór Friðriksson, oddviti Góðan daginn framboðsins og fyrrverandi Pírati, sagði Torfa Markússon, sem seldi nýlega hlut sinn í ráðgjafa- og ráðningafyrirtækinu Intellecta, hafa ráðið sig í hlutverk oddvita flokksins. Ingimar sagðist ekki fá greidd laun fyrir og sagði pólitískt erindi framboðsins að bjóða upp á sérfræðikunnáttu. Það hitnaði í kolunum í oddvitaspjalli Heimildarinnar í Tjarnarbíói sem fram fór í gærkvöldi.

Það kennir ýmissa grasa í stefnuskrá Góðan daginn framboðsins sem birtist óvænt sama dag og frestur til þess að skila inn meðmælum til framboða rann út. Framboðið vill meðal annars skerpa á ferlum innan borgarinnar og þá eru málefni fatlaðra sett á oddinn. Þá segir einnig að það sé neyðarástand þegar kemur að golfvöllum Reykjavíkurborgar, en Góðan daginn framboðið vill tvo átján holu golfvelli sem fyrst einhvers staðar …