Borgarfulltrúar Sjálfstæðisflokksins, Viðreisnar og Framsóknarflokksins hafa náð samkomulagi um meirihlutasamstarf í borginni.
Oddvitar flokkanna skrifa undir samkomulagið í Viðey í dag.
Búist hafði verið við því að Sjálfstæðisflokkurinn ætlaði annaðhvort að mynda tveggja flokka meirihluta með Miðflokknum eða þá þriggja flokka meirihluta með Framsókn og Viðreisn. Síðarnefndi kosturinn varð að veruleika.
32,9%, 10,7% og 6,9%
Sjálfstæðisflokkurinn hlaut 32,9% atkvæða í sveitarstjórnarkosningunum á dögunum, Viðreisn hlaut 10,7% og Framsóknarflokkurinn 6,9%.
Miðflokkurinn hlaut 11,4% fylgi og Samfylkingin 18,3%.
Við þökkum fyrir samfylgdina, umfjölluninni hefur lokið.
í gær
Lengri var fundurinn ekki
Oddvitarnir hafa lokið máli sínu og verða nú blaðamönnum veitt viðtöl.
í gær
Ari Edwald í nýtt hlutverk
Oddviti Miðflokksins verður stjórnarformaður Orkuveitu Reykjavíkur, að sögn Hildar. Þar muni reynsla hans nýtast vel.
í gær
Hildur verður borgarstjóri
Einar verður formaður borgarráðs og Björg forseti borgarstjórnar fyrsta árið. Svo skipta þau um hlutverk. Þetta kom fram í máli Hildar rétt í þessu.
í gær
Tímamót
Einar Þorsteinsson segir að um sé að ræða tímamót. Kjósendur hafi sýnt að þeir vildu raunverulegar breytingar. Þá segir hann mikla samstöðu vera á milli Sjálfstæðisflokksins, Framsóknar og Viðreisnar.
í gær
Ánægjulegt að við höfum náð saman
Þetta segir Björg Magnúsdóttir, oddviti Viðreisnar. Hún segir flokkana gera sér grein fyrir því að þeir séu á leið í þjónustuhlutverk sem tekið verði alvarlega.
í gær
Hildur tekur til máls
Hildur Björnsdóttir segir meirihluta með Viðreisn og Framsókn vera það sem hún telur vera best fyrir Reykjavík. Hún segir Reykjavík þurfa á stöðugleika að halda og að þessir flokkar muni láta hendur standa fram úr ermum.
í gær
mbl.is er á vaktinni
mbl.is mun fylgjast með hvernig málin þróast í Viðey og halda lesendum upplýstum.
í gær
Fulltrúar þriggja flokka undirrita samning í Viðey
í fyrradag
Samkomulag í höfn í Suðurnesjabæ
26.5.
Segir flokkinn blása lífi í gamlan andstæðing
26.5.
Von á samkomulagi fyrir vikulok
26.5.
Mótmæla nýjum meirihluta: Hátt í 1.600 undirskriftir
26.5.
Þorri atkvæða í 100 atkvæða bunkum
26.5.
Valdimar kveður: Síðustu dagar verið krefjandi
25.5.
Safna undirskriftum gegn nýjum meirihluta
