Allhvöss sunnan­átt með rigningu - Vísir

Samkvæmt hugleiðingum veðurfræðings verður þó úrkomulítið á Norður og Austurlandi og hiti verður á bilinu sjö til 14 stig. Seinnipartinn og fram á kvöld hvessir heldur en lægir síðan aftur.Á morgun má svo samkvæmt hugleiðingum veðurfræðings Veðurstofunnar búast við að vindur verði suðvestlægari en áfram verður vætusamt. Þá verður þurrt og lengst af bjart veður norðan- og austanlands, áfram hlýtt en fer að kólna vestast um kvöldið.Síðan verður vindur vestlægari og mun svalara en þokkalega milt austantil. Veðurfræðingur segir alla jafna kulda koma úr vestri eða norðri á þessum árstíma og að kudlinn úr vestri sé mildari en þegar norðanáttin nái sér á strik.Nánar um veður hér á vef Veðurstofu og færð vega á vef Vegagerðar. Víðast hvar er greiðfært en þó varað víða um land við slæmum vegum og holum í vegum. 

Veðurhorfur á landinu næstu daga

Á þriðjudag: Suðvestan 8-15 m/s og rigning með köflum, en að mestu þurrt norðaustantil. Hiti 8 til 16 stig, hlýjast á Norðausturlandi, en yfirleitt svalara á Vestfjörðum.Á miðvikudag: Suðvestan 8-15 m/s og skúrir eða slydduél, en hægari vindur og léttskýjað norðaustan- og austanlands. Hiti 2 til 10 stig, svalast norðvestantil.Á fimmtudag: Suðvestan 3-10 m/s og skúrir eða slydduél, en að mestu bjart á Norðausturlandi. Heldur svalara.Á föstudag, 1. maí: Norðvestlæg átt með dálitlum skúrum eða slydduéljum, en þurrt sunnan heiða. Svalt í veðri, einkum fyrir norðan.Á laugardag og sunnudag: Útlit fyrir svala vestlæga eða breytilega átt með stöku skúrum eða slydduéljum í flestum landshlutum.