Þetta kemur fram í tilkynningu frá náttúruverndarsamtökum sem stóðu fyrir mótmælum gegn sjókvíaeldi í Seyðisfirði í gær.
Fjöldi fólks kom saman til að mótmæla sjókvíaeldi Kaldavíkur í firðinum, bæði í Seyðisfirði og Reykjavík, samtímis á báðum stöðum.
Um er að ræða mikið hitamál fyrir austan og telur lögmaðurinn Katrín Oddsdóttir, sem var ein skipuleggjanda mótmælanna, mikla annmarka á leyfisveitingum fyrir fyrirhuguðu sjókvíaeldi í Seyðisfirði.
Sjá einnig: „Fokkið ykkur úr firðinum“
Breiður hópur náttúruverndarsamtaka stendur á bak við mótmælaaðgerðir, þeirra á meðal Landvernd, félög sem berjast fyrir villta laxastofninum á Íslandi, og Vá, félag um vernd fjarðar.
