Helgi Jean Claessen og grínistinn Hjálmar Örn skoðuðu verðlagningu hótela í kringum væntanlegan sólmyrkva í hlaðvarpsþættinum Hæ Hæ – Ævintýri Helga og Hjálmars, þar sem þeir hringdu meðal annars á Reykjavík Edition til að kanna hvað gisting myndi kosta yfir eina nótt.
Í þættinum ræddi Helgi um að fólk væri að greiða gríðarlegar upphæðir fyrir gistingu í kringum sólmyrkvann.
„Kringum sólmyrkvann, við vorum að skoða þetta. Fólk er að borga sko 500 þúsund krónur nóttina eða eitthvað. Þetta er bara bilun,“ sagði Helgi áður en hann ákvað að hringja beint á hótelið.
Í símtalinu sagðist hann vera Íslendingur í Reykjavík sem ætti frænda á leið til landsins 11. ágúst og spurði hvort til væri herbergi fyrir eina nótt.
Starfsmaður Edition sagði fyrst að uppselt væri, en bætti við að ein svíta væri laus.
„So our best available price would then be 752.600 Icelandic krona,“ sagði starfsmaðurinn þegar Helgi spurði um verðið.
Helgi brást við með hlátri og sagðist halda að um grín væri að ræða.
„Well, that’s a good one. I like this. No, it’s just one night, I’m not looking for a month,“ sagði hann.
Starfsmaðurinn svaraði því til að þetta væri raunverulega verðið fyrir eina lausa herbergið sem eftir væri þann dag.
Þá spurði Helgi hvort hægt væri að greiða upphæðina á 12 til 30 mánaða greiðsludreifingu, en fékk þau svör að verðið væri jafnframt á óendurgreiðanlegu verði.
Í lok samtalsins bauð Helgi svo 2021 árgerð af Subaru Impreza upp í gistinguna.
Sólmyrkvinn sem verður sýnilegur á Íslandi í ágúst og virðist eftirspurn eftir gistingu hafa hækkað verulega samhliða því.
