Þungaflutningar á efniviði í vindmyllur í fyrsta vindorkuver landsins, Vaðölduver, hófust í nótt. Farin er rúmlega 130 kílómetra leið, frá Þorlákshöfn að Vaðölduveri, þar sem stendur til að reisa 28 vindmyllur á næstu árum.
Sigurgeir Björn Geirsson, yfirverkefnastjóri Vaðölduvers, sagði við upphaf flutninga að fimm trukkar flyttu tvo stóra spaða, turnhluta og annan búnað vegna fyrstu vindmyllunnar. Þrjár ferðir verða farnar til að flytja alla hluta hverrar vindmyllu. Alls verða vindmyllurnar fjórtán talsins að þessu sinni.
Ráðgert er að flutningarnir standi yfir næstu sjö til tíu vikur. Þeir verða að jafnaði sex nætur á hverri viku.
Stefnt er á að vindmyllurnar verði gangsettar í haust og að orkuverið verði tilbúið í rekstur í árslok.
