Meirihluti þeirra sem grunaðir voru um hópnauðganir í Þýskalandi árið 2025 voru erlendir ríkisborgarar, samkvæmt opinberu svari þýsku stjórnarinnar við fyrirspurn sem lögð var fram á þýska þinginu.
Upplýsingarnar koma úr svokölluðu Bundestag Document 21/6858 (þýska: Bundestags-Drucksache 21/6858), sem er opinbert þingskjal þar sem ríkisstjórnin svarar fyrirspurn frá þingflokki AfD. Slík skjöl eru hluti af opinberum gögnum þýska þingsins.
Samsetningin áhugaverð
Alls voru skráðar 751 hópnauðgun í Þýskalandi árið 2025 og voru 1.083 einstaklingar skráðir sem grunaðir í málunum. Af þeim voru 53 prósent erlendir ríkisborgarar en þrátt fyrir að erlendir ríkisborgarar séu aðeins um 16 prósent íbúa Þýskalands.
Samsetning stærstu hópanna var 110 Sýrlendingar, 64 Afganar, 46 Írakar og 44 Tyrkir. Jafnframt kemur fram að 72 prósent hinna grunuðu höfðu áður komið við sögu lögreglu. Tölurnar byggja hins vegar á ríkisfangi en ekki uppruna. Innflytjendur sem eru orðnir þýskir ríkisborgarar og aðilar með innflytjendabakgrunn teljast því til þýskra ríkisborgara í þessum gögnum og eru ekki flokkaðir sérstaklega. Það er því líklegt að hlutfall hinna grunuðu sem eru af innflytjendabakgrunni sé hærra en 53 prósent, en út frá fyrirliggjandi gögnum er ekki hægt að segja til um hversu mikið hærra það er.
Þýsk stjórnvöld birta ekki sundurliðun sem gerir kleift að greina hversu margir þýskir ríkisborgarar sem koma fyrir í þessum tölum eru af innflytjendabakgrunni.
Ótrúleg fjölgun tilfella á 12 árum
Flestar hópnauðganir voru skráðar í Berlín, alls 118 talsins. Tilfellunum fækkaði lítillega frá árinu 2024 þegar þau voru 788, en fjöldinn var svipaður og árið 2023 þegar þau voru 761.
Í umfjöllun Junge Freiheit kemur einnig fram að lögregla skráði 726 nauðganir, kynferðislega þvingun eða alvarlegar kynferðisárásir árið 2025 þar sem að minnsta kosti einn grunaður var sýrlenskur ríkisborgari. Til samanburðar voru slík mál 24 árið 2013, sem jafngildir um 2.925 prósenta fjölgun á tímabilinu.
Jafnframt fjölgaði málum þar sem þolandi var yngri en 18 ára úr fjórum árið 2013 í 279 árið 2025, sem er um 6.875 prósenta fjölgun.
