Hlutur lífeyrissjóða í kísilverinu á Bakka færður niður í núll krónur
Félag sem heldur utan um eignarhald lífeyrissjóða og Íslandsbanka í kísilveri PCC á Bakka býr sig undir verstu sviðsmynd, gjaldþrot kísilversins. Engin starfsemi hefur verið í því í rúmt ár.
Félagið Bakkastakkur, sem stofnað var utan um fjárfestingu lífeyrissjóða og Íslandsbanka í kísilverinu PCC á Bakka við Húsavík, hefur fært virði hlutar síns í kísilverinu niður í núll krónur.
Þetta kemur fram í nýjum ársreikningi félagsins vegna ársins 2025, sem Viðskiptablaðið greindi fyrst frá.
Bakkastakkur tapaði tæpum 1,7 milljarði króna í fyrra en tæpum 4,9 milljörðum árið 2024. „Markaðsaðstæður voru erfiðar árið 2025 eins og nokkur fyrri ár, m.a. vegna innflutnings á ódýrum kísilmálmi frá Kína til Vesturheims,“ segir í ársreikningnum. „Þróun í byrjun árs 2025 var nokkuð hagstæð en í kjölfar óróa á alþjóðamörkuðum, m.a. vegna óvissu í tollamálum, lækkuðu verð skarpt þegar leið á fyrri hluta þess árs.“
Félagið Bakkastakkur var stofnað 2014 til að fjárfesta í PCC á Bakka og á um 34,6% hlut í kísilverinu. Hluthafar í félaginu eru helst lífeyrissjóðir og Íslandsbanki, sem fer með 18,25% hlut. Gildi á 19,43%, Stapi 14,84%, Birta 10,95% og …
