Þetta staðfestir Salóme Jórunn Bernharðsdóttir náttúruvársérfræðingur Veðurstofunnar en hún segir þó nokkrar tilkynningar um hafís hafa borist síðastliðnar vikur.
Nýlegast hafi svokölluð ísspöng verið sjáanleg í um það bil 3 kílómetra fjarlægð frá Litlu-Ávík en sú rak til vesturs. Á öðrum tímanum í dag flaug Landhelgisgæslan vestur fyrir landið og segir Salóme nokkra ísjaka hafa sést út fyrir ströndum Vestfjarða.
Fyrr í ágúst greindi Rúv frá því að útlit væri fyrir að fjöldi borgarísjaka bærist að ströndum Íslands á næstu vikum en aukningin væri tilkomin vegna þess að stór íseyja hringsólaði á milli Íslands og Grænlands.
Salóme segir allar líkur á því að borgarísjakinn hafi brotnað úr íseyjunni en í fréttinni er haft eftir landfræðingi og hafíssérfræðingi að íseyjan sé fleiri kílómetrar á lengd og breidd.
Átt þú myndir eða frásagnir af borgarísjakanum sem rekur nær landi við Bolungarvík? Við tökum á móti öllum upplýsingum á ritstjorn@visir.is eða í síma 512-5200.
Átt þú myndir eða frásagnir af borgarísjakanum sem rekur nær landi við Bolungarvík? Við tökum á móti öllum upplýsingum á ritstjorn@visir.is eða í síma 512-5200.
