Langt er liðið á talningarnótt sveitarstjórnarkosninganna og lokatölur liggja víða fyrir. Hér verður farið yfir það helsta:
Kópavogur
Lokatölur hafa borist frá Kópavogi en þar hlaut Sjálfstæðisflokkurinn 45,7% atkvæða og þar með hreinan meirihluta með 6 bæjarfulltrúa. Framsókn fer úr tveimur fulltrúum í einn með 10,3% og Samfylkingin fer úr einum í tvo með 18,9%. Viðreisn heldur sínum fulltrúa með 10,1% og Miðflokkurinn kemur nýr inn með einn fulltrúa og 10,5%. Vinstri græn og Sósíalistaflokkurinn ná ekki inn manni með annars vegar 2,8% og 1,7%.
Hafnarfjörður
Sjálfstæðisflokkurinn fær þrjá fulltrúa, tapar einum, með 27,7% en Framsókn bætir við sig þriðja fulltrúanum með 24,1%. Meirihlutinn heldur því velli. Samfylkingin fer úr fjórum fulltrúum niður í tvo með 17,8%, Viðreisn fer úr einum fulltrúa í tvo með 14,3% og Miðflokkurinn nær inn manni með 11,4%. Vinstrið hlaut 4,4% sem dugar ekki til að ná inn manni.
Suðurnesjabær
Samfylkingin og óháðir bæta við sig þriðja fulltrúanum í Suðurnesjabæ með 34% atkvæða. Sjálfstæðisflokkur tapar einum manni, fer úr þremur fulltrúum í tvo, með 25,4% en Framsókn heldur sínum tveimur fulltrúum með 22,5%. Miðflokkurinn kemur nýr inn með tvo fulltrúa og 18% greiddra atkvæða. Meirihluti Samfylkingar og Framsóknar heldur því velli.
Mosfellsbær
Sjálfstæðisflokkurinn hlaut 42,2% atkvæða í Mosfellsbæ og bætir við sig fimmta fulltrúanum. Framsókn tapar tveimur fulltrúum og nær því tveimur inn með 20,8%. Samfylkingin heldur sínum fulltrúa með 10,9% og það sama á við um Viðreisn með 10,1 prósent og L-lista Vina Mosfellsbæjar með 8,5%. Miðflokkurinn nær manni inn með 7,4 prósent. Meirihluti Framsóknar, Viðreisnar og Samfylkingar er því fallinn.
Akureyri
Sjálfstæðisflokkurinn heldur sínum tveimur fulltrúum á Akureyri með 19,4% atkvæða en L-listinn tapar einum fulltrúa sínum af þremur með 19,3% atkvæða. Samfylkingin hlaut 16,7% og fer úr einum í tvo fulltrúa. Framsókn heldur báðum sínum fulltrúum með 15,1%, Miðflokkurinn heldur sínum fulltrúa með 8,1 prósent, Vinstri grænir halda sínum fulltrúa með 7,9% og Bæjarlistinn nær inn einum manni með 7,5%. Viðreisn nær ekki inn manni með 6% greiddra atkvæða. Meirihluti Bæjarlistans, Sjálfstæðisflokks og Miðflokks er því fallinn.
Seltjarnarnes
Sjálfstæðisflokkurinn heldur velli á Seltjarnarnesi og er áfram með hreinan meirihluta með 51,9% atkvæða. Miðflokkurinn fær einn fulltrúa með 14,5% og sameiginlegt framboð Samfylkingar, Viðreisnar og óháðra fær 2 fulltrúa með 33,6% atkvæða.
Árborg
Sjálfstæðisflokkurinn bætir aðeins við sig fylgi í Árborg og heldur sínum sex fulltrúum með 52,8% atkvæða. Framsókn heldur sínum tveimur fulltrúum með 20,8% og það sama á við um Samfylkingu sem bætir lítillega við sig en heldur sínum tveimur fulltrúum með 18,8%. Viðreisn fær einn fulltrúa með 7,6% atkvæða.
Akranes
Lokatölur hafa borist frá Akranesi og þar hlaut Sjálfstæðisflokkurinn 33,6% og heldur sínum þremur fulltrúum. Framsókn hlaut 23,6% atkvæða og missir einn fulltrúa og er þá með tvo inni. Viðreisn nær inn einum manni með 10,7% atkvæða, það sama á við um Miðflokk sem fær einn mann inn með 9,7% og Samfylkingin tapar einum fulltrúa með 22,3 prósent og fær þannig tvo fulltrúa.
Vestmannaeyjar
Sjálfstæðisflokkurinn er með hreinan meirihluta í Vestmannaeyjum, 55,7%, og bætir við sig fimmta fulltrúanum. Miðflokkurinn nær inn tveimur með 25,2% og Eyjalistinn heldur sínum tveimur fulltrúum með 19,1%. Eftir kosningarnar 2022 var meirihluti myndaður af Eyjalistanum og Flokknum Fyrir Heimaey sem bauð ekki fram í ár.
Ísafjarðarbær
Framsókn er sigurvegari kosninganna í Ísafjarðarbæ og tvöfaldar styrk sinn í bæjarstjórn með því að fara úr tveimur fulltrúum í fjóra með 34,3% atkvæða. Sjálfstæðisflokkur heldur sínum tveimur fulltrúum með 25,6% atkvæða og Samfylking kemur sterk inn með tvo fulltrúa og 19,6% atkvæða og Viðreisn kemst inn með einn fulltrúa og 16% atkvæða. Miðflokkurinn nær ekki inn manni með 4,5% atkvæða.
Hveragerði
Sjálfstæðisflokkurinn bætir við sig þriðja fulltrúanum í Hveragerði með 43,9% atkvæða en Okkar Hveragerði fer úr þremur fulltrúum í tvo með 28,2%. Framsókn fer úr tveimur fulltrúum í einn með 14,9% og Samfylkingin nær inn einum manni með 12,9%. Meirihluti Okkar Hveragerðirs og Framsóknar er því fallinn.
Ölfus
Sjálfstæðisflokkurinn bætir við sig fimmta fulltrúanum í Ölfusi og heldur meirihluta sínum með 69,3% atkvæða en Samfylkingin fær 30,7% atkvæða og tvo fulltrúa.
Súðavíkurhreppur
Framtíðarlistinn fékk meirihluta greiddra atkvæða í Súðavíkurhreppi og þar með þrjá fulltrúa í sveitarstjórn. Fjarðarlistinn fékk tvo fulltrúa kjörna.
Vesturbyggð
N-listi Nýrrar Sýnar heldur meirihluta sínum í Vesturbyggð með fjóra sveitarstjórnarmenn á meðan V-listi Sterkari Vesturbyggðar fær þrjá fulltrúa.
Húnabyggð
Sjálfstæðisflokkurinn bætir við sig fimmta fulltrúanum í Húnabyggð með 50,7% greiddra atkvæða og Framsókn heldur sínum þremur fulltrúum með 33,9 prósent. A-listinn, óháð framboð, fær einn fulltrúa með 15,4% atkvæða.
Skagafjörður
L-listi Byggðalistans hlaut 33,6% atkvæða og þrjá fulltrúa. Sjálfstæðisflokkurinn hlaut 30,7% og þrjá fulltrúa. Framsókn nær inn tveimur fulltrúum með 22,9% og Miðflokkurinn fær einn fulltrúa með 12,8%. Þar með bæta bæði Byggðalistinn og Sjálfstæðisflokkur við sig einum fulltrúa og Miðflokkurinn kemur nýr inn. Meirihluti Framsóknar og Sjálfstæðisflokks heldur því velli.
Þingeyjarsveit
Á-listi Ábyrgðar hlaut fjóra sveitarstjórnarfulltrúa með 49,12% atkvæða. L-listi Framfara hlaut 29,22% atkvæða og tvo fulltrúa og N-listinn fékk 21,66% og einn fulltrúa. Enginn þessara lista bauð fram í síðustu sveitarstjórnarkosningum þar sem E-listinn fékk hreinan meirihluta. Listinn klofnaði svo árið 2024 og tveir fulltrúar hans mynduðu þá meirihluta með K-listanum.
Borgarbyggð
Sjálfstæðisflokkurinn bætir við sig í sameinuðu sveitarfélagi Borgarbyggðar og Skorradalshrepps og nær inn þriðja fulltrúanum með 29,3%. Framsókn nær aðeins inn tveimur fulltrúum með 25,4% og missir þar með þrjá fulltrúa og Miðflokkurinn kemur nýr inn með 21,9% og tvo fulltrúa ásamt Borgarbyggðarlistanum sem hlaut 23,5 prósent og tvo fulltrúa. Framsókn heldur því ekki hreinum meirihluta sem flokkurinn hlaut í Borgarbyggð í kosningunum árið 2022.
Vesturbyggð
N-listi Nýrrar sýnar hélt meirihluta sínum í Vesturbyggð og náði inn fjórum fulltrúum með 58,9% atkvæða. V-listi Sterkari Vesturbyggðar hlaut þrjá fulltrúa með 41,1% atkvæða.
Bláskógabyggð
T-listi fær fimm fulltrúa með 68,5% atkvæða og Þ-listi fær tvo fulltrúa með 31,5% atkvæða. Þetta eru sambærilegar niðurstöður og í síðustu kosningum.
Norðurþing
Sjálfstæðisflokkurinn heldur báðum sínum fulltrúum í Norðurþing með 20,3% atkvæða á meðan Samfylkingin bætir við sig fulltrúa, fær nú tvo kjörna fulltrúa, með 18,6%. Framsókn missir einn fulltrúa sinn, fer úr þremur í tvo, með 18,1% atkvæða og það sama á við um Vinstri græna sem fara úr tveimur fulltrúum í einn með 13,7% atkvæða. Miðflokkurinn heldur sínum fulltrúa með 15,3% og Óskalistinn kemur nýr inn með einn fulltrúa og 13,9% atkvæða. Fimm manna meirihluti Framsóknar og Sjálfstæðisflokks er því fallinn.
Fjallabyggð
Sjálfstæðisflokkurinn bætir við sig þriðja fulltrúanum með 35,6% atkvæða og H-listi fyrir heildina heldur sínum tveimur fulltrúum með 33,3% atkvæða. Jafnaðarmannafélag Fjallabyggðar hlýtur tvo fulltrúa og 31,2% atkvæða. Meirihluti Jafnaðarmannafélags Fjallabyggðar og Sjálfstæðisflokks heldur því velli.
Fjarðarbyggð
Sjálfstæðisflokkurinn fer úr fjórum fulltrúum í þrjá í Fjarðarbyggð með 29% atkvæða. Samfylkingin fær tvo kjörna fulltrúa með 27,4% atkvæða og það sama gildir um Miðflokkinn sem hlaut 24% atkvæða. Framsókn missir einn mann, fer úr þremur fulltrúum í tvo, með 19,6%. Dregið hefur úr styrk meirihluta Sjálfstæðisflokks og Framsóknar en hann heldur þó velli.
Múlaþing
Sjálfstæðisflokkurinn bætir við sig fjórða fulltrúanum í Múlabyggð með 30,3% atkvæða og Framsókn heldur sínum þremur með 24,2%. Vinstri grænir halda sínum tveimur með 19,5% atkvæða og Miðflokkurinn heldur sínum eina fulltrúa með 14,8%. L-Austurlistinn tapar sínum fulltrúa með 11,2%. Meirihuti Sjálfstæðisflokks og Framsóknar heldur því velli.
Hornarfjörður
Framsókn bætir við sig þriðja fulltrúanum í Hornarfirði með 44,8% en Sjálfstæðisflokkurinn fer úr þremur fulltrúum í tvo með 26%. Miðflokkurinn heldur sínum eina fulltrúa með 15,8% en Kex-framboð tapar sínum fulltrúa með 13,5%, Meirihluti Kex-framboðs og Sjálfstæðisflokks er því fallinn.
Rangárþing eystra
D-listinn og aðrir lýðræðissinnar fékk hreinan meirihluta, 55,1%, og bætir við sig fjórða fulltrúanum á kostnað þriðja fulltrúa Framsóknar og annarra framfarasinna sem hlaut 28,1% og tvo fulltrúa. N-listinn heldur sínum eina fulltrúa með 16,7% . Meirihluti N-listans og D-listans heldur því tæknilega velli en ljóst er að D-listinn getur setið einn í meirihluta.
Rangárþing ytra
Engar breytingar eiga sér stað í Rangárþingi ytra en þar heldur Á-listinn sínum fjórum fulltrúum og hreinum meirihluta með 51,3% atkvæða. Sjálfstæðisflokkurinn heldur sínum þremur með 48,7%.
Fréttin hefur ítrekað verið uppfærð eftir því sem tölur hafa borist
