Hundraða saknað eftir stærðarinnar skyndiflóð - Vísir

Fjölmargir ferðamenn frá Indlandi, Bandaríkjunum, Bretlandi og Malasíu eru meðal þeirra sem er saknað.

Flóðin byrjuðu um klukkan níu í morgun, að staðartíma, og urðu í nokkrum ám í Nepal. Talið er líklegt að snjóflóð í jökli hafi valdið flóðunum. Sérfræðingur sem ræddi við AP fréttaveituna segir að snjóflóð og skriður hafi stíflað farveg Lhenda Khola-árinnar og flóðin hafi byrjað þegar stíflan brast.

Jöklar í Himalæjafjöllunum hafa bráðnað sífellt hraðar á undanförnum árum vegna hækkandi hitastigs og veðurfarsbreytinga.

Ráðamenn í Nepal óttast að fjölmargir hafi látið lífið í flóðunum. Þau náðu einnig til Tíbet þar sem embættismenn búast einnig við mannfalli.

Myndbönd af flóðunum hafa verið í dreifingu á samfélagsmiðlum í morgun.