Kim Jong-un, einræðisherra Norður-Kóreu, hefur boðið Xi Jinping, forseta Kína, í opinbera heimsókn. Kínverskir ríkismiðlar greina frá þessu. Hann mun sækja landið heim 8. og 9. júní. Sjö ár eru liðin frá síðustu heimsókn forsetans til Norður-Kóreu.
Kína er mikilvægur bandamaður Norður-Kóreu. Síðarnefnda ríkið er á meðal þeirra einangruðustu á jörðinni og það er beitt fjölmörgum alþjóðlegum þvingunaraðgerðum.
Þrátt fyrir tiltölulega sterk tengsl milli stjórnvalda í Pjongjang og Beijing eru heimsóknir kínverskra leiðtoga til Norður-Kóreu frekar fátíðar. Xi fór þangað síðast 2019. Það var í fyrsta sinn síðan 2005 sem kínverskur þjóðarleiðtogi landsins heimsótti Pjongjang. Í frétt Reuters segir að stjórnvöld í Beijing vilji styrkja tengsl ríkjanna enn frekar.
Xi rúllaði út rauða dreglinum fyrir Kim í september. Þeir Kim og Vladimír Pútín voru heiðursgestir á hersýningu sem haldin var í tilefni 80 ára afmælis sigurs Kína á Japan í seinni heimsstyrjöldinni.
