Þorgerður Katrín Gunnarsdóttir utanríkisráðherra hefur ráðið sér nýjan aðstoðarmann. Rún Ingvarsdóttir tók til starfa sem aðstoðarmaður hennar í dag.
Rún hefur síðasta rúma áratuginn unnið að samskiptamálum, fyrst hjá Landsbankanum og síðan sem samskiptastjóri Veitna, dótturfélags Orkuveitunnar. Þar áður var hún fréttamaður á RÚV í átta ár.
Þorgerður Katrín er með tvo aðstoðarmenn eftir ráðninguna. Fyrir var Ingileif Friðriksdóttir í starfi.
