Jón Magnússon skrifar:

Um árabil hefur velferðarkerfið þróast umfram allt sem eðilegt er fyrir suma á meðan aðrir lepja  dauðann úr skel.

Steinunn Ólína Þorsteinsdótttir leikkona o.fl. segir frá konum, sem tóku út fæðingarorlofið sitt og fóru síðan í veikindaleyfi hjá Reykjavíkurborg í ár, þar sem þær nutu sólar og vellystinga á sólarströndum, án þess að einkenni veikinda gerði vart við sig. Reykvískir útsvarsgreiðendur borga.

Breskir skattgreiðendur láta fara enn verr með sig. Michael Deacon vekur athygli á því að það sé mögulegt fyrir eiginmann í Bretlandi að fá velferðarbætur og styrki með fleiri en einni konu. Hann sagðist ekki hafa trúað þessu fyrr en hann las skýrslu bresku Vinnumálastofnunarinnar fyrir liðinni viku, þar sem sagði:

"Vinnumálastofnunin hefur hækkað upphæðina sem greidd er til fjölkvænis fjölskyldna".

Þetta kom á óvart. Blaðamaðurinn taldi að fjölkvæni væri ólöglegt og refsivert á Bretlandi. Sem það er. 

En innflytjendur sem eiga margar konur þar sem fjölkvæni er löglegt og koma löglega til Bretlands fá bætur með hverri eiginkonu hve margar svo sem þær eru.

Í Múslimalöndum í Miðausturlöndum, Afríku og víðar er fjölkvæni löglegt, en mörg landanna setja reglur um að maður geti ekki átt meira en fjórar eiginkonur. Af hverju skyldi þessi tala hafa verið valin? Deacon segir að það sé augljóst, að það sé "fínt, heilsusamlegt og eðlilegt að eiga fjórar eiginkonur, en hvaða kynferðisbrjálæðingur og svín lætur sér detta í hug að eiga fimm? Sannur herramaður á bara fórar konur í einu."

Í Kenya var sett í lög árið 2014, að karlmaður hafi rétt til að giftast eins mörgum konum og hann vilji. Kvennfélagasamband Kenya fagnaði lögunum, en taldi samt að spyrja ætti fyrstu eiginkonuna um val eiginmannsins á nýrri konu. "Ekki að spyrja um kröfuhörkuna hjá þessum femínistum."

Svona mál eru ekki rædd á fínkvenna ráðstefnum Sameinuðu þjóðanna t.d. UN Forum það gæti eyðilagt stemmninguna. 

Deacon spyr hvað með mann frá Kenya sem fer út á götu og biður 50 eða 500 konur að vera eiginkona sín, geta þau þá öll farið til Bretlands og farið á bætur?  Hvað síðan með fjölskyldusameiningu? Koma þá allar tengdamömmurnar og tengdapabbarnir o.fl. og öll á bætur? 

Þegar þú flytur inn þriðja heiminn þá verður landið þitt að þriðja heims ríki og situr uppi með vandamál sem "fjölmenning" leiðir af sér. Fjölmenning fjöldainnflutnings frá þrjðja heims ríkjunum er almennt ómenning fyrir okkar menningarheim og gildi.

Þorgeir Ljósvetningagoði orðaði það svo frábærlega þegar kristni var lögtekin á Íslandi árið 1000. Að það þyrftu að vera ein lög og einn siður í landinu. Eigum við ekki að halda okkur við það á Íslandi, þó Bretar séu í tómu tjóni?