Tengdasonur RÚV á Berlinske
En mér fannst best að gögn sem réttarvörslukerfið á Íslandi hafnaði sem efni í kæru á hendur mér frá þeim félögum Aðalsteini Kjartanssyni, Þórði Snæ og Stefáni Eiríkssyni útvarpsstjóra, dugi hins vegar dönskum miðli. Þá sem staðfesting á hótunum í garð blaðamanna. Ég hef óskað eftir því við danska blaðamanninn að hann sendi mér þessi gögn sem Helgi Seljan lagði fram vitandi að honum er tamt að falsa gögn eins og dæmin sýna. Rifjum upp að ríkissaksóknari felldi kæru þeirra félaga niður með eftirfarandi orðum: „ Að lokum verður litið svo á að langsótt sé að ætla að tengja ofangreint samtal sem átti sér stað á Faceboovegg Páls Steingrímssonar þann 7. desember 2020 við tölvupóst sem hann sendi ofangreindum aðilum þann 1. Júlí 2022 og segja að þar sé komin fram hótun um að fremja refsiverðan verknað gagnvart þessum tilteknu aðilum.“
Þarna var núverandi útvarpsstjóri, Stefán Eiríksson, einn þeirra er kærðu þetta sem hótun. Maður sem er fyrrverandi lögreglustjóri og menntaður lögfræðingur taldi þessi gögn tæk til þess að byggja kæru á, sá sami Stefán Eiríksson sem síðan telur 168 email og tugi sms skilaboða til Þóru Arnórsdóttur og Helga Seljan ekki merki um aðkomu starfsmanns RÚV að byrlun og afritun síma! Ég óskaði eftir því að við RÚV að þeir leiðréttu þessa frétt í samræmi við vinnureglur stofnunarinnar. Þar var því haldið fram að ég hefði hótað blaðamönnum. Það hefðu nú átt að vera hæg heimatökin fyrir fréttastjóra að leita að staðfestingu þar sem Stefán Eiríkisson útvarpsstjóri var aðili að þessari kæru á sínum tíma. Í dag, 6 dögum síðar, hafa starfsmenn RÚV ekki svarað mér, enda er þessi grein lýsandi fyrir vinnubrögð starfsmanna RÚV. Þar ræður aktívisminn ríkjum og fyrir svona vinnubrögð erum við neydd til að borga með góðu eða illu.
Þegar heimildarmenn þessa danska blaðamanns eru skoðaðir þá kemur ýmislegt áhugavert í ljós. Þeir hafa jú flestir snertiflöt við RÚV og Samfylkinguna eins og sést á skjáskoti sem fylgir þessari færslu. Það er síðan reynt að þyrla ryki í augu lesandans með því að láta engan tengdan Samfylkingunni koma fram sem viðmælanda. Það er ágæt að hafa það í huga að Aðalsteinn Kjartansson skipti um vinnustað í hádeginu 3 dögum áður en ég veiktist. Fór af RÚV fyrir hádegi og var orðinn starfsmaður Stundarninar eftir hádegi.
Þegar blaðamaðurinn og heimildarmaður þessa danska blaðamanns, Aðalsteinn Kjartansson fyrrverandi formaður Ungra jafnaðarmanna og frambjóðandi Samfylkingarinnar, kærði lögregluna á Norðurlandi eystra fyrir að boða hann til yfirheyrslu með stöðu sakbornings komst dómarinn Arnbjörg Sigurðardóttir, eiginkona þáverandi formanns Samfylkingarinar og núverandi ráðherra RÚV, að þeirri niðurstöðu að ekki mætti boða Aðalsteinn Kjaransson til yfirheyrslu með stöðu sakbornings. Kom sú niðurstaða á óvart? Nei, ég sagði frá niðurstöðunni áður en hún lá fyrir svo augljóst var að það yrði niðurstaðan. Nú ekki skulum við gleyma netníðingnum og kvennhataranum þýska stálinu Þórði Snæ en hann var frambjóðandi Samfylkingarinar, en þurfti að segja sig frá þingsæti þegar hann var afhjúpaður svo eftirminnilega rétt fyrir kosningar. Hann var einn af heimildarmönnum Lasse Skytt. Sjálfsagt muna margir eftir því máli en það endaði með að Aftenposten þurfti að biðjast afsökunar á vinnubrögðum þingmannsefnis Samfylkingarinar. Það blasir við að hann er líka heimildarmaður blaðamanns Berlinske því þessir félagar eiga það sameiginlegt að hafa átt aðild að Byrlunarmálinu. Voðalega hlýtur forsætisráðherrann, hún Kristrún, að vera ánægð með að hafa svona liðsmann í sínum herbúðum, sem starfar við að flytja út gróusögur um land og þjóð. Væri ekki nær að bjóða heimildarmönnum þessa danska blaðamanns fram sem aðalleikara í næstu seríu af Klovn?
Við það má bæta að Helgi Seljan er fyrrverandi kosningasmali Samfylkingarinanr svo fingraför Samfylkingarinnar eru á þessum útflutningi RÚV á gömlu sorpi. Hélt samt að við hefðum verið að flytja það til Svíþjóðar en ekki Danmerkur. Hvert næst?
