Sigfús Aðalsteinsson, fasteignasali og oddviti Okkar Borgar, hefur sett bifreið sína á sölu. Um er að ræða Range Rover Sport SE sem nýskráður var í janúar árið 2024.

Greinir hann frá sölunni á Facebook.

Bifreiðin er tengiltvinnbíll sem gengur bæði fyrir bensíni og rafmagni og hefur verið ekið um 40 þúsund kílómetra. Bíllinn er búinn átta gíra sjálfskiptingu og er grár, tvílitur að utan.

Næsta skoðun bifreiðarinnar er árið 2028.

Óhætt er að segja að um sé að ræða bíl í dýrari kantinum á íslenskum bílamarkaði. Sigfús óskar eftir 18.950.000 krónum fyrir Range Roverinn, eða rétt tæpum 19 milljónum króna.

Range Rover Sport er stór og öflugur lúxusjeppi frá breska bílaframleiðandanum Land Rover og hefur gerðin lengi verið meðal dýrari sportjeppa á markaði.