Samfélagsmiðlar íslensks stjórnmálafólks eru alltaf undir smásjá og því sem þar fer fram gert skil með reglubundnum og skemmtilegum hætti í Spursmálum. Yfirferðina má í heild sinni sjá í meðfylgjandi myndskeiði eða í rituðu máli hér að neðan.
Þorbjörg Sigríður afmælisqueen
Elsku Obba okkar var afmælisdrolla á dögunum - vúhú! Að sjálfsögðu tekur hún upp grískan sið sem heimilar fólki að halda upp á afmælið sitt í 40 daga þannig núna mun Obba halda upp á 48 ára afmælið sitt næstu 34 daga í viðbót. Sömmersæla og veisla alla daga bara! Kremjufast ammóknús á þig Obbfríður.
Halla Hrund þefaði af lömbum
Íslenskasti Íslendingurinn Halla Hrund fór í sauðburð og deildi afrakstrinum á Facebook þar sem hún kjassaði og knúsaði tvö lítil og sæt lömb. Nú hefur Halla Hrund efnt til nafnasamkeppnis - þau þurfa nú að fá einhver krúttleg nöfn þessi lambakrútt. Hvað leggur þú til? Ég segiiiii Sigmundur Davíð og Þorgerður Katrín. Já, fullkomin nöfn á lítil lömb.
Tíu ára afmæli Viðreisnar og átök í alþingisræktinni
Talandi um Þorgerði Katrínu. Hún fagnaði 10 ára afmæli Viðreisnar í vikunni, geri aðrir betur. Heill áratugur af Viðreynslunni og við óskum öllu Viðreynslufólki til haminjgu með áfangann. Blóm og kransar afþakkaðir samt sko. Gellu-biskupinn okkar Guðrún Karls hefur sennilega blessað Toggu og tilvist Viðreisnar þegar þær hittust í vikunni, enda kannski ekki vanþörf á, en já svo tók Togga líka allhressilega á því í alþingisræktinni með góðum hópi kvenna. Djöfulsins stemmari alltaf!
Snorri lítt hrifinn af forsíðustúlkunni
Snúlli Másson var allt annað en hrifinn af forsíðustúlku The Guardian á dögunum sem var engin önnur en einmitt the one and only Þorgerður Katrín - vúhúhúúú þvílíkur heiður að fá að vera svona forsíðufyrirsæta í útlenskum fjölmiðli. Henni er ekkert eðlilega mikið að takast ætlunarverkið og skrá sig í sögubækurnar við lítinn fögnuð margra..
Frontkamerukóngurinn fimur í eldhúsinu
Pawel Bartoszek fyrrum sjálfukóngur og sjálfkrýndur frontkamerukóngur kenndi okkur ýmsar eldhúslistir í vikunni og eldaði til að mynda íslenskt lamb á grískan máta - nei nei nei, engar áhyggjur, hann var ekki að hægelda lömbin hennar Höllu Hrundar þetta var bara lamb úr Bónus sko sem Pawel segir að muni kosta miklu minna þegar Ísland gengur inn í ESB. Enginn áróður eða neitt svoleiðis sko, nei nei, en flinkur er hann í eldhúsinu.
Jón Gnarr í fýlu í Berlín
Jón Gnarr komst í smá uppnám í vikunni þegar pöntun hans frá Amazon skemmdist í flutningnum. Shit hvað ég skil hann vel! Litla fýlan sem maður færi í ef maður væri í hans sporum. Kannski búinn að bíða og bíða eftir nýjum bumbubana, titringsplatta eða kjálkalínuþjálfa og svo bara búmm - sendingin er ónýt. Pantaðu aftur og bíddu lengur. Oj, shame on you Pósturinn og DHL og allt þetta. En hey, eitt í viðbót! Okkur ber siðferðisleg skylda til að hjálpa The Gnarr family að finna húsaskjól yfir son og 3 ára barnabarn Jóns Gnarr, reykja og djamma hvorugir og spila ekki á slagverksljóðfæri. Íbúð? Einhver?
Sorgir og sigrar á Alþingi
Hildur Sverris hefur leyft okkur að fylgjast með ævintýrinu um fuglinn í brunastiga Alþingis undanfarið - svo mikið kjútness. Pínuponsu fugl búinn að koma sér fyrir með eggin sín þar en svo gerðist það sem allir hræddust, elsku fuglinn var allt í einu hvergi sjáanlegur og eggin ekki heldur - Fuglastríðið í Lumbruskógi bara raungerðist. Trauma allra barna sem tilheyra millenial kynslóðinni! Shit sko, það fór bara að blæða úr gömlum sárum við þessar fregnir.
Flúði málþóf Miðflokksins og fangaði grunaðan ódæðiskött
En grunaður sökudólgur náðist á myndskeið hjá Ásu Berglindi. Ohhh kattaófjéti. Jæja, maður breytir víst ekki náttúrunni - svo mikið er víst. Ása Berglind var bara í makindum sínum að flýja málþóf Miðflokksins þegar þessi svarti köttur mjálmaði sig inn í hjarta hennar og það gerðu reyndar þessi skemmtilegu þingmanna nafnspjöld líka sem eru sirka síðan sautjánhundruð og súrkál og þau Sigurður Helgi héldu ekki vatni yfir. Skiljanlega.
Bryndís Haralds fór í fysta flugið til Feneyja
Bryndís Haralds skellti sér með fyrsta flugi Icelandair til Feneyja og djísess kræst hvað það fór vel um hana þar. Ítalía er náttúrulega draumaáfangastaður eða þú veist, Ítalía er eiginlega bara ákveðinn lífsstíll. Ekkert eðlilega næs hjá Bryndísi og hennar fylgifiskum.
„Mamma mín er sterkari en mamma þín“
Já sælir kælir hitamælir hvað litla líkamsræktarbuffið okkar hún Sigríður Andersen massaði yfir sig í vikunni þegar hún lyfti hvorki meira né minna en 70 kílóum í búnaðarbekkpressu. Ekki myndi ég þora í hana þessa. Rosaleg! B O B A. Stórasti stubbur í heimi. Eða í það minnsta sterkasti.
Gæjalegur
Eyjó Peyjó er svona ljómandi ánægður með myndirnar sem ljósmyndari Bændablaðsins smellti af honum um daginn - enda svona líka glerfínn á myndunum. Við skulum fara inn í helgina með myndirnar af Eyjó stimplaðar í hausinn á okkur. Mikið líturðu vel út beiiibí, frábært hár. Af hverju rataði hann ekki á nýja skallalistann á Smartlandinu? Óskiljanlegt!
Smelltu á spilarann hér að neðan til að nálgast nýjasta þátt Spursmála í heild sinni.
