Þeir munu ekki stjórna Ísrael, en listar þar sem arabar eru í meiri­hluta gætu ráðið úrslitum í hní­f­jöfnum kosn­ingum í land­inu í næstu viku. Kjós­endur þeirra hafa fengið nóg af Benjamin Net­anjahú for­sæt­is­ráð­herra.

Í sam­tölum við AFP sögðu leið­togar list­anna tveggja, sem að mestu eru skip­aðir aröbum, að þeir stefndu að sama marki í kosn­ing­unum 27. októ­ber: að koma frá stjórn sem þeir segja rasíska.

Ísra­elskir arabar, einnig nefndir palest­ínskir rík­is­borg­arar Ísraels, eru um 21 pró­sent íbúa lands­ins.

Þeir eru afkom­endur Palest­ínu­manna sem urðu eftir innan landamæra Ísraels þegar ríkið var stofnað árið 1948. Þeir hafa lengi kvartað undan mis­munun af hálfu gyð­inga­meiri­hlut­ans í Ísrael.

Þróun stjórn­mála í Ísrael reynir mjög á til­finn­ingu arab­íska minni­hlut­ans fyrir því að til­heyra sam­fé­lag­inu. Margir munu ganga að kjör­borð­inu í þeirri von að beina land­inu frá öfga­hægr­inu.

Í kosn­ing­unum á þriðju­dag munu þeir eiga full­trúa á tveimur listum.