Lögreglan á Norðurlandi Eystra lýsir eftir 14 ára stúlku. Stúlkan er um 160 cm á hæð og með skollitað hár. Talið er að hún sé klædd í gallabuxur og gráa peysu. Seinast sást til hennar við Klettaborg, 600 Akureyri um kl 16:30 í dag.
Lögreglan biður þau sem geta gefið upplýsingar um ferðir stúlkunnar um að hafa samband við lögreglu í síma 112.
Umfangsmikil leit að stúlkunni hefur staðið yfir á Akureyri í kvöld og hafa allar björgunarsveitir á Eyjafjarðarsvæðinu verið kallaðar út til að aðstoða lögreglu við leitina.
Leitarsvæðið er stórt og að sögn vegfarenda er viðbragðið mikið. Leitin miðast við alla Akureyri en sér í lagi Glerársvæðið. Notast er við nokkra dróna og hunda við leitina og er mannafli mikill.
